Qazaqstanda koronavirustan 64 jastaghy әiel qaytys boldy, - dep habarlaydy QR Densaulyq saqtau ministrligi. 

Almaty qalasy qoghamdyq densaulyq saqtau basqarmasysynyng basshysy Tileuhan Ábildaevtyng aituynsha, qaytys bolghan әielding basqa da sozylmaly aurulary bolghan.

Pasiyent baylanysta bolghandar qatarynan, onyng ong taldauy 16 nauryzda anyqtaldy. Qosymsha aurulary boluyna baylanysty ol 18 nauryzda reanimasiya jәne qarqyndy terapiya bólimshesine ornalastyryldy.

Nauqas, atap aitqanda, ókpening sozylmaly obstruktivti aurularymen, jýrekting sozylmaly jetkiliksizdigi men jýrekting iyshemiyalyq aurularymen, stenokardiya, arteriyalyq giypertenziya dertimen auyratyn.

«Jýrgizilgen qarqyndy terapiyagha qaramastan jaghday poliorgandyq jetkiliksizdikting – tynys alu, jýrek-qan tamyrlarynyng damuyna baylanysty progressivti týrde nasharlady. 9 sәuirde qosymsha aurularynyng ýdeui ayasynda saghat 23.20-da qan ainalymy toqtady. 30 minut ishinde jýrgizilgen reanimasiyalyq is-sharalar sәtsiz bolyp, saghat 23.50-de qaytys bolghany anyqtaldy. Negizgi diagnozy: COVID-19 koronavirustyq infeksiyasy, rastalghan jaghday. Eki jaqty poliysegmentti pnevmoniya, auyr aghymy. Eki jaqty plevriyt. Ókpening isinui, Layella sindromy»,-dedi Tileuhan Ábildaev.

Songhy mәlimet boyynsha, elimizde koronavirus júqtyrghandar sany 802-ge jetken. Núr-Súltan qalasy – 226, Almaty qalasy – 122, Shymkent qalasy – 31, Aqmola oblysy – 61, Aqtóbe oblysy – 11, Almaty oblysy – 10, Atyrau oblysy – 45, Shyghys Qazaqstan oblysy – 6, Jambyl oblysy – 45, Batys Qazaqstan oblysy – 6, Qaraghandy oblysy – 61, Qostanay oblysy – 3, Qyzylorda oblysy – 104, Manghystau oblysy – 9, Pavlodar oblysy – 3, Soltýstik Qazaqstan oblysy – 25, Týrkistan oblysy – 34.

Sonymen qatar, atalghan indetten 60 adam jazylyp shyqqan. 9 adam qaytys boldy.

Abai.kz