Jýrgizushi Dosbol Dalabekov nauryz aiynda jalaqysynan bólek bank kartasyna 11 myng tenge týskenin aityp, "búl ne aqsha, eger koronavirus ýshin berilgen aqsha bolsa, bermegeni dúrys" dedi.
Onyng sózin qoshtaghan felidsherler biylikten ne sebepti Núr-Súltan qalasyndaghy jedel jәrdemning koroniviruspen júmys istegen tobyna memleket bólgen ýstemaqyny tolyq kólemde alghanyn, ózderining qalys qalghanyn týsindirudi talap etti. Mekemening agha felidsheri Aygýl Betenbaeva auyl felidsherlerining ýstemaqyny qalay alatynyn sheship otyrghan komissiya ókilderining aralaryna kelip birge júmys isteuin súrady. Aytuynsha, ýstemaqyny esepteuge kelgende jergilikti biylik ózderin koronovirusty tasyghan saghatyn ghana sanap, al oghan barmaghan felidsherler men jýrgizushilerdi tizimnen shygharyp tastaghan.
Narazy felidsherler "Bizdi koronaviruspen auyrghandarmen qatynasta bolmady degenmen biz olardy kýnde tasymaldaghan әriptesterimizben birge kezekshilikte jýrmiz. Qalay bizdi baylanysta bolghan joq dep tizimge engizbeydi? Búl әdiletsizdik. Bireuge 146 tenge ghana bergen. Búl ne mazaq?" dedi.
Jedel jәrdem qyzmetkerlerimen Aqmola oblystyq jedel jәrdem stansasynyng bas dәrigeri Aleksandr Vysoskiy men Selinograd audany әkimdigi qyzmetkerleri kezdesti.
Selinograd audany әkimining orynbasary Alma Aytqojinova felidsherlerge "júmysqa kelgende qanday jalaqy alatynyn bildinizder" dep sógip, taghy qosymsha birneshe júmys isteuge shaqyrdy.
5 mamyrda da Aqmola oblysy Selinograd audanynyng jedel jәrdem qyzmetkerleri biylikten qosymsha ýstemaqy talap etken edi. 6 mamyrda olargha qúqyq qorghau organdary eskertu jasaghan.
Búl – jedel jәrdem qyzmetkerlerining birinshi narazylyghy emes. Búghan deyin Aqtóbe, Núr-Súltan, Aqtau qalasy jedel jәrdem qyzmetkerleri de narazylyq bildirip, biylikten pandemiya kezinde qosymsha ýstemaqy talap etken.
30 nauryzda Qazaqstan biyligi koronaviruspen kýresuge atsalysqan dәrigerler jalaqysyna qyzmetining qauiptiligine qaray 212 myng - 850 myng tenge aralyghynda ýstemaqy qosylatynyn jariyalaghan.
Abai.kz
