"Audanda 11 eldimekenning egistikterin su shayghan. Jalpy bir mynnan astam auyl sharuashylyghy tauar óndirushiler tizimi jasaldy. 7639 gektar egistikting shyghynyn 4 mlrd 1 mln tenge kóleminde eseptep, ýkimetke úsyndyq. Komissiya sheshimi boyynsha әr daqyl týrine qaray ótemaqy jasalady" dedi oblystyq auyl sharuashylyghy basqarmasynyng basshysy Núrbek Badyraqov.

Onyng aituynsha, 297 maldy (58 bas siyr, 227 qoy-eshki, 16 jylqy, 2 týie jәne 227 ýy qús) su aghyzyp әketken.

"Mal shyghynyn óteu ýshin naryqtaghy bagha boyynsha 32 mln tenge shyghyndy eseptep, ýkimetke úsynyp otyrmyz" dedi ol.

1 mamyrda Ózbekstannyng Syrdariya oblysyndaghy Sardoba su qoymasy jarylyp, ainalasyndaghy auyldardy su shayyp ketken. 1 mamyr týnde Sardobanyng suy Qazaqstannyng ontýstigindegi, qazaq-ózbek shekarasynda ornalasqan Abay kanalyna jetip, Maqtaral audanyndaghy birneshe auyldy su alghan. Osydan song Maqtaral audanynda tótenshe jaghday jariyalanyp, myndaghan túrghyn evakuasiyalanghan. Jýzdegen ýidi su basyp, jaramsyz qalghan.

Búghan deyin biylik ókilderi su tasqynynan zardap shekken túrghyndargha әrqaysysyna 100 myng tenge kóleminde ótemaqy beriletinin, ýileri jaramsyz qalghan túrghyndargha janadan baspana beriletinin aitqan.

Basynda Qazaqstan biyligi su tasqynyna baylanysty Ózbekstangha narazylyq notasyn jiberip, ótemaqy súraydy degen aqparat shyqqan. Keyinnen Qazaqstan syrtqy ister ministrligi narazylyq notasy jiberilmeydi dep habarlady.

9 mamyrda preziydent Qasym-Jomart Toqaev Twitter jelisinde "su resurstaryn tiyimdi әri әdil paydalanu mәselesi ózbek tarapymen tyghyz baylanysta sheshiletin bolady" dep jazdy.

Búghan deyin ýiinen, malynan aiyrylghan túrghyndar biylikten naqty kómek bolmay jatqanyn aityp, narazylyq bildirgen.

Abai.kz