Ayypty dep tabylghan qazaqstandyq azamattardyng kóbinde osynday "Kamaz" mashinalary bolghan.

Sәrsenbi kýni Nýkis soty Qazaqstannyng 27 azamatynyng әrqaysysyna 600 ailyq eseptik kórsetkish (shamamen 10 myng AQSh dollary) kóleminde aiyppúl salu turaly ýkim shyghardy. Búdan bólek qylmys qúraly retinde jýrgizushilerding auyr jýk kólikteri tәrkilendi.
Sot ýkimi mausymnyng 24-inde shygharyldy. Memlekettik aiyptaushylar sottan 27 azamattyng ekeuin úiymdastyrushy retinde 15 jylgha, qalghandaryn 13 jylgha bas bostandyghynan aiyryp jazalaudy súraghan edi. Biraq, Nýkis soty aiyppúlmen shekteldi. Onyng ýstine olardyng avtomashinalary tәrkilenetin boldy.
Qaraqalpaqstanda sotqa tartylghan aqtóbelik 27 jýrgizushige «ózge respublikagha zansyz ótu», «úrlyq» jәne «keden zandylyghyn búzu» baptary boyynsha aiyptar taghylghan edi.
Sot prosesining basy-qasynda bolghan aiyptalushylardyng jaqyndarynyng biri Janar Saghynbaeva, atalghan aiyptar sotta dәleldengen joq deydi.
- Sotta bizding azamattar jazyq dalada shekaranyng eshqanday belgilerining bolmaghandyghy sebepti borandy kýni adasyp ketkendikterin aitty. Odan bólek, jýrgizushilerdi ústaghan Ózbekstannyng shekara qyzmetkeri azamattardy Nýkiske aparar jolda ózderi adasyp Aral manynan bir-aq shyqqan. Al sol kezde bizding shekara qyzmetkerleri qayda qaraghany belgisiz, – dedi Janar Saghynbaeva.
Odan ózge sotqa úsynylghan Qaraqalpaqstannyng arnayy mamany jýrgizgen saraptamanyng qortyndysynda, qylmystyq is boyynsha úrlanghan dep sanalghan qúbyrlar 20 jylday jer astynda, sodan keyin 25 jylday jerding ýstinde jatqandyghy anyqtalghan.
- Tot basqan, shirigen, tesik-tesik qúbyrlar ne auyl sharuashylyghyna, ne basqa da júmystargha paydalanugha kelmeytindigi aityldy. Alayda oghan qúlaq asqan eshkim bolmady, – deydi Janar Saghynbaeva.
Soghan qaramastan, advokattar múnday sheshim - Ózbekstannyng sot óndirisining tarihynda alghash ret bolyp otyrghandyghyn atap ótude.
- Ózbek zandarynyng qataldyghy sonshalyq; mәselen, bir kólik úrlyghy ýshin 15 jyl bas bostandyghynnan aiyryluyng mýmkin. Sondyqtan, qazaqstandyqtardyng bas bostandyghynan aiyrylmay, tek aiyppúlmen shektelui búdan búryn bolmaghan jaghday ekendigin aitty bizge advokattar, – deydi Aqtóbe qalasynan aiyptalushylar tuystarynyng bastamashyl tobynyng jetekshisi Aydos Sadyqov.
Endi jýrgizushilerding jaqyndary sot kesken aiyppúlgha tóleytin qarjy izdestirumen jýr. Janar Saghynbaeva óz otbasy ýshin ol edәuir aqsha ekendigin aitady.
- Mening әke-sheshem zeynetkerler. Biz inim ekeuimiz ghana júmys isteytinbiz. Inim bankten nesie alyp KAMAZ jýk kóligin satyp alyp júmys istemek edi. Endi mine, ne kólik joq, júmys ta joq, inimning ózin shygharyp alu ýshin 10 myng dollar tabuym qajet. Men sottyng búl sheshimimmen kelispeymin, bizge eng bolmaghanda kólikterdi qaytaryp bersin! – deydi Janar.
Jýrgizushilerding tughan-tuystary Qazaqstan ýkimetinen qanday da bir qadamdar jasalghanda búl isting nәtiyjesi әlde qayda jaqsy bolar edi dep sanaydy. Olardyng sózine qaraghanda, qoghamda búl sot prosesi turaly qyzu pikirtalas tuuyna búqaralyq aqparat qúraldary manyzdy roli atqarghan. Al Nýkistegi sot prosesine Qazaqstannyng Tashkendegi konsuly Babur Dәurenbekten ózge eshqanday resmy ókil qatyspaghan.
Qazaqstan Syrtqy ister ministrligining baspasóz hatshysy Iliyas Omarov, ózderining búl iske aralasuyn mindetti emes ekendikterin mәlimdedi. Onyng pikirinshe, jauapqa tartylyp jatqan Qazaqstannyng azamattary bolghanyna qaramastan, ózge eldegi jýrip jatqan sot prosesine esh yqpal jasay almaydy.
- Halyqaralyq qúqyqtardyng normalaryna sәikes, ózge memleketting zanyn búzghan azamat, sol elding zandary boyynsha jauapqa tartylady. Búl jaghdayda qazaqstandyqtar Ózbekstannyng zanyn búzdy. Sondyqtan sol elding zany boyynsha jauap bersin. Syrtqy Ister ministrligi aralsyp, Qazaqstannyng azamattaryn qorghaugha qúqy joq, – deydi Iliyas Omarov.
Ózbek memleketi taghayyndaghan advokattar endi ózbek jaghynan sottalghandardyng kólikterin qaytarudy talap etip, joghary dengeydegi sot ornyna apellyasiyalyq shaghym týsirmekshi. Zang boyynsha, olardyng 10 kýnning ishinde shaghym beruge múrsaty bar.

Mәnshýk ASAUTAY
«Azattyq» radiosy 25 mausym 2009 jyl