Býgin Qasym-Jomart Kemelúly Toqaevtyng preziydent bolyp saylanghanyna tolyq bir jyl toldy. Shiyrek ghasyrdan astam uaqyt elimizdegi nómiri birinshi biylikti egelengen Núrsúltan Ábishúly óz erkimen memleket basshysy qyzmetinen bosap, orynyn Toqaevqa úsynghanda skeptikter búl auys-týiiske әdettegidey senbedi. Olar: "Toqaev - biylikke uaqytsha kelgen adam. Búl adam - tranzittik túlgha, az uaqyttan song oryntaghyn әulet mýshelerining birine tastap ketedi", - desti. Tipti Toqaevtyng preziydenttik qyzmetti dúrys atqara alatyndyghyna kýmәndanghandar da tabyldy.

Alayda, Qaskeng ózining memleketshil túlgha ekendigin, eline jan-tәnimen qyzmet etuge tәuekeli jetetin adam ekendigin әr isimen kýndelikti dәleldeuge kirisip ketti. Áriyne, biz әleumettik ahualymyz kenetten jaqsaryp, elimizde eshqanday problema qalghan joq dep aitudan aulaqpyz, alayda, kýnnen kýnge Toqaevqa degen senimimizding artyp kele jatqany shyndyq. Ol qay-qashanda halyq jaghynan tabylatynyn tanyta týsude. Arys oqighasy kezinde de, Qordaydaghy kelensiz jaghdayda da, myna býgingi pandemiya dýrbeleninde de Toqaev halyq taghdyryna qatty kónil bóldi. Sóitip ózining sabyrly, salmaqty qalpynan aumay qiyndyqtardy jenip keledi.

Qasym-Jomart Kemelúly - kәsiby sayasatker. Onyng auzynan shyqqan sózde ýlken mәn bolady. Mәselen ol ótkende Reseyden shyghatyn "Komsomoliskaya pravda" gazetine súhbat berip otyryp, bizde orystardyng 3 milliongha jeter jetpes bop qalghanyn aityp qaldy. Búl degeniniz - orys bizde az sandy diasporagha ainaldy degen sóz. Búl jәne elimizde endi batyl týrde últtyq sayasat jýrgiziledi degen sóz.

Toqaev - sayasatta Nazarbaevtyng múrageri, shyn múrageri. Onyng sayasat pen ekonomikadaghy sheshimderinen Nazarbaev isin jalghastyra otyryp, ilgerletu bar ekenin bayqaymyz.

Preziydentti de, ýkimettegi kez kelgen sheneunikti te syngha alyp otyratyn bizde sergek orta, otanshyl azamattar bar. Biraq býgin biylik basyna kelgenine jyl tolyp jatqandyqtan Qasym-Jomart Kemelúlynyng esimine jyly sózimizdi ayap qalmay, jyly lebiz bildirsek artyq bolmaytyn shyghar. Solay emes pe, aghayyn?

Dәuren Quat

Abai.kz