Almatydaghy blokbekette jol apatyn jasaghan BMW jýrgizushisi oqigha bolghangha deyin tórt kýn búryn qyzmetinen ketken. Búl turaly qalalyq Polisiya departamenti mәlimdedi, - dep habarlaydy  Tengrinews.kz 

"Azamatov A.T esimdi er adam polisiyada 2014 jyldyng 30 sәuirinen bastap 2020 jyldyng 21 mamyryna deyin patrulidik polisiya polkining inspektory bolghan. Ol Ishki ister organynan óz erkimen qyzmetinen ketken. 

Qyzmet barysynda Azamatov A. tórt jaza artylghan jәne eshqaysysynda keshirim berilmegen. Búl jazalar onyng qyzmettik-әskery tәrtipti búzuymen jәne jauapkershiligi tómendigimen baylanysty boldy", - dep jauap berdi PD ókilderi.

Jol apaty kezinde kýdikti mas kýide bolghan, búl jýrgizilgen sot-narkologiyalyq saraptamamen rastalghan. Saraptama kýdiktining alkogolidik masangynyng ortasha dәrejesin anyqtaghan.

"25 mamyrda Almaty oblysyndaghy blokbekette bolghan qayghyly oqighany tekserip, taldaghannan keyin, oqighanyng sebepterining biri jeke qúrammen aldyn alu júmystaryna jol bermeu jәne qúqyq búzushylyq pen tәrtiptik teris qylyq jasaghan qyzmetkerlerge qatysty der kezinde әreket etu sharalaryn qoldanbau boldy. Sonymen qatar, BAQ-ta búrmalanghan aqparatty úsynu faktilerine syny bagha berildi. Qyzmettik tekseru qorytyndysy boyynsha, ishki ister ministrligining búiryghymen basshylyq qatarynan toghyz qyzmetkerge qatysty tәrtiptik jaza sharalary qabyldandy, onyng ishinde ýsheui qyzmetinen bosatyldy", - dedi qalalyq PD ókilderi.

Qazirgi uaqytta jol apaty boyynsha qajet tergeu amaldary jýrgizilip jatyr, tiyis saraptamalar taghayyndaldy.

"Qylmystyq kodeksting 345-1-babynyn, 4-bóligining sanksiyasymen kýdiktining belgili bir lauazymdardy atqaru ne belgili bir qyzmetpen ainalysu qúqyghynan ómir boyy aiyryp, jeti jyldan on jylgha deyingi merzimge bas bostandyghynan aiyru jazasy qarastyrylghan", - delingen habarlamada.

Eske salayyq, 25 mamyrda tanghy saghat 5 jarymda 1992-shi jyly tughan er adam BMW markaly kóligimen mas kýiinde blokbekettegi polisiya kóligin soghyp, oqigha ornynda eki polisiya qyzmetkeri qaytys bolyp, bireui auyr hәlde auruhanagha jetkizilgen edi.

Abai.kz