Tәuelsizdikting 20 jyldyghyna oray Astanada ótken alaman aitysty kópshilik kópke deyin aita-ayta jýretin bolar. Últtyq aitys ónerining shejiresi ýshin de, kó­meyinen jyr saulaghan tókpe aqyndar ýshin osynau shabytty kýn­der­ding orny bólek boldy.

Elordadaghy Kongres-holda ótken respublikalyq aitysqa ózimizding arqaly aqyndarmen birge ar jaghy Qytaydan, ber jaghy Mongholiya, kórshi Qyrghyz eli men Ózbekstandy qosqanda 41 aqyn qatysty. Búl aitysta Qytay Halyq Respublikasynan kelgen qandasymyz, belgili aitys aqyny Jәmigha Dәuletqyzy bas jýldeni qanjyghasyna baylap, 3 million tenge kólemin­degi arnayy syi­aqygha ie boldy.

Tәuelsizdikting 20 jyldyghyna oray Astanada ótken alaman aitysty kópshilik kópke deyin aita-ayta jýretin bolar. Últtyq aitys ónerining shejiresi ýshin de, kó­meyinen jyr saulaghan tókpe aqyndar ýshin osynau shabytty kýn­der­ding orny bólek boldy.

Elordadaghy Kongres-holda ótken respublikalyq aitysqa ózimizding arqaly aqyndarmen birge ar jaghy Qytaydan, ber jaghy Mongholiya, kórshi Qyrghyz eli men Ózbekstandy qosqanda 41 aqyn qatysty. Búl aitysta Qytay Halyq Respublikasynan kelgen qandasymyz, belgili aitys aqyny Jәmigha Dәuletqyzy bas jýldeni qanjyghasyna baylap, 3 million tenge kólemin­degi arnayy syi­aqygha ie boldy.

Ýsh kýn boyy Elordany dumangha bólegen aitysqa "Samúryq-Qazyna" Últtyq әl-auqat qory demeushilik jasap, qomaqty jýlde qoryn taghayyndady. Osy uaqytqa deyin "Samúryq-Qazyna" qory el ekonomikasyna qaraylasyp kelse, endigi jerde qordyng әleu­mettik-jauapkershi­likti úiym retinde qoghamda erekshe manyzy bar mәdeny sharany úiymdastyrugha qoldau kór­setti. Osynyng jarqyn aigha­ghy - El Tәuelsizdigining 20 jyldyghyna arnalghan alaman aitys. Aytystyng ashylu saltanatynda aitystyng jýrgi­zu­­shisi, aqyn Jýrsin Erman: - Qa­zaq júrty­nyng tarihy azat­tyq jolyn­daghy ký­res­terge toly boldy. Baba­lary­myz­dyng ar­ma­ny oryn­­dalyp, Qa­zaqstan kók bayraghyn jel­biretip, әlemdegi eng ai­tuly memleket­terding qa­ta­ryna qosylghaly da, mine, 20 jyl tolyp otyr. Aqyndar ai­tysy­nyng osy mereke qar­sanynda úiym­das­­ty­ryluy tegin emes. Óitkeni sonau aqta­ban shú­by­ryndy, onyng arghy-bergi jaghyndaghy ótken uaqyt­tardyng bәrinde azat­tyqty, tә­uelsiz­dikti aqyn­­darday jyr­laghan, aqyn­dar­day an­sa­ghan esh­kim bol­ghan emes, - dedi. Qasiyetti Tәuelsizdikti, azattyqty, egemendikti eng aldymen ansaghan da, kóksegen de, ony súlu sózben surettep, kesteli oimen be­zen­dirgen de - eng aldymen aqyndar dese, Jýrsin Erman aqiqattan alystaghany emes. Rasynda da osy óner dodasyna, óleng dodasyna eli­mizding әr ónirinen "sen túr, men atayyn" aqyndar jiylyp, ýsh kýn boyy Astananyng tórinde tәuelsiz­digimizdi úlyqtady. Aqyndar aitpay qaldy deytin jayt qalmady. Ózge de kókeykesti mә­se­leler jyr bolyp tógildi. Bas taqyryp - Tәuelsiz­digimizding torqaly toyynan bastap, qazaqtyng kóbengine deyin qamtylghan aitysta agha men ininin, qyz ben jigit­tin, jezde men baldyzdyng әdemi qazaqy qaljyndary men qaghytpalary da kórinis berdi. Ata-babamyzdyng jón-joralghysyn da osy aitys­tan kórdik. Qytaydyng res­my organdary tórt aqyngha bas qylyp, Shynjan avtonomiyasy mәde­niyet ministrining orynbasary Ma In Shyng jәne QHR Mәdeniyet miy­nistr­ligining Óner basqarmasynyng bastyghy Zo In Shang degen azamattaryn jiber­gen eken. Olar da ýsh kýn boyy tapjylmay aitysty tyndady. Sóitken qytaylyq delegasiya basshylaryna da, Qyrghyzstannan kelgen arnayy ókilge de Myrzatay Joldasbekov rizashylyghyn bildirip, shapan jauyp qaytardy.

Múnyng syrtynda Qytayda omyraudaghy nә­res­tesin tastap, osynau úly toydyng aitysyna kelgen Gýlsinay aqyn men kishkene balasyn Astanagha ertip kelgen almatylyq Sara Toqtamysovany da qúr qol qaytarmay, balalaryna "tay" mingizdi. Jogharyda atap ótkendey, búl aitystyng bir ereksheligi - kórshi elderden de qandas bauyrlastar qatysyp, ai­tystyng elaralyq sipat alghany men basymdyqtyng jas­tar­gha berilgeni boldy. Aytystaghy Balghynbek Imashev, Aynúr Túrsyn­baeva, Dәuletkerey Kәp­úly, Amanjol Áltaev, Serikzat Dýisenghazin sekildi elge tanymal tarlanbozdardyng jóni bir bó­lek bolsa, búl joly Álibek Ser­ghali, Múh­tar Niyazov, Erkebúlan Qaynazarov siyaqty jalyndaghan jas periler bәige kóri­gin qyz­dyryp, el-júrtty riza etti. Múny eli­miz­degi tughan tilin tórge ozdyrghan Tәuel­siz­dik­ting birden-bir kórinisi, kýn ótken say­­­yn óz múratyna jetip kele jatqan ana tili­mizding mәueli jemisi deuge bolady.

Al aqyndarymyzdyng óleni men óresin sarapqa salghan qazylar alqasynyng qúramynda Myrzatay Joldasbekov, Seyit Qas­qabasov, Asanәli Áshimov, Ómir­zaq Aytbaev, Fariza Ongharsynova, Bekbolat Tileuhan, Nesipbek Aytúly siyaqty óner qayratker­leri jәne aitys janashyrlary boldy. Qazylar alqasynyng she­shi­mi­men Bas bәigeni (3 million tenge) Qytay Halyq Res­publikasynan kelgen qandasymyz Jәmiy­gha Dәuletqyzy jenip aldy. Birinshi oryndy (1,5 million tenge) Aq­mola oblysynan sayysqa týs­ken jas qyran Áli­bek Ser­ghaly iye­len­di. Al eki II oryndy (1 miyl­lion tengeden) qyzyl­ordalyq Múh­tar Niyazov pen astanalyq Erkebúlan Qay­na­­­za­rov qanjyghasyna baylasa, ýsh III oryn (500 000 tengeden) Qyrghyz Res­pub­lika­sy­nan qatysqan Aaly Tutkuchev pen Almaty jәne Astana aitys­kerleri Sara Toq­ta­my­sova men Aynúr Túrsynbaevagha bú­­y­­yrdy.

Qazylar alqasynyng she­shi­mi­­men halyq ta kelis­ken synayly. Áriyne, ózge de aitysker aqyndar kәdesiz qalghan joq. Ayt­qanday, búl aitystyng jýlde qory ýshinshi kýni ayaqastynan úlghaydy. Aytystyng búrynnan tanymal janashyry Núrtay Sabiliyanov 1 million tenge, al "Altyn qyran" kompaniyalar tobynyng bas diyrektory Islambek Saljanov "aytysqa shashuym" dep 3 million tenge qos­qan. Saryarqada saltanat qú­ryp, el Tәuelsizdigining 20 jyl­dyghyna taghzym etken erekshe aitystyng tek jýlde qory 10 million tengeden asyp jyghylghanyn eskersek, aituly mәdeny sharadaghy "Samúryq-Qazyna" Últtyq әl-auqat qorynyng da salmaghy kórinedi. Degenmen, "Samúryq-Qazyna" el ekonomikasyna ghana emes, әdet-ghúrpymyzgha say mәdeny sharany qazirgi zamanda odan әri damytugha jәne el arasyndaghy birli­gimizdi nyghaytugha aitarlyqtay qoldau kórse­tip kele jatqanyn aitu lәzim.

Aynash ESALIY.

http://zhasalash.kz/ruhaniyat/6096.html