Olardyng jazuynsha, Navalinyy Tomskiden Mәskeuge úshyp bara jatqan kezde yaghni, ulanardyng aldynda bolghan oqighalardy esine týsire aluy mýmkin.

Jogharyda atalghan basylymdardyng mәlimetinshe, Navalinyigha dәriger men әielinen basqa adamdardy da kirgize bastaghan. Biraq sayasatkermen kezdesu ýshin qatang kýzetten ótu kerek. Al sayasatkerding baspasóz hatshysy Kira Yarmysh maqalalardaghy keybir jayttar úlghaytylyp kórsetkenin jazdy.

Der Spiegel aqparat kózining aituynsha, "Shariyte" klinikasynda kýzet kýsheygen. Navalinyidyng esin jighany turaly aqparat shyqqannan keyin 9 qyrkýiekte keshke qaray sayasatker jatqan aumaq qauipsizdikting "eng joghary dengeyi" rejiymine kóshken. Aqparat kózining aituynsha, Germaniyanyng arnayy qyzmeti tek qoqan-loqy ghana emes, "Shariyte" klinikasyn qaralau siyaqty "jalghan aqparattar legine" tótep beruge qamdanyp jatyr.

Dәrigerlerding aituynsha, Navalinyy fizikalyq túrghyda 90 payyz qalpyna kele alady, al psihikasy tolyq qalypqa kelgen. Olar Ombygha úshaqty shúghyl týrde qondyru turaly sheshim qabyldaghan úshqyshtyng jyldam reaksiyasy men Navalinyigha atropin dәrisin ekken jedel jәrdem qyzmetkerlerining әreketi aman qaluyna qatty kómektesti dep otyr.

Búghan deyin Die Zeit basylymyqúpiya derekkózge sýiene otyryp, Navalinyigha "Novichoktan" da qauiptirek u bergen, ony tek arnayy jabdyqtalghan zerthanada ghana jasaugha bolady, sondyqtan búl operasiyany reseylik FSB úiymdastyrghan boluy yqtimal dep jazghan edi. Gazetting mәlimetinshe, nemis biyligi sayasatkerdi andyghan arnayy qyzmet ókili qauipti zatty Navalinyy shәy ishken kesening jiyegine nemese kesening ózine shashyp ketken boluy mýmkin dep boljap otyr. Udyng qaldyqtary sayasatker su ishken bótelkening auzy men sayasatkerding qolynan da tabylghan

Nemis basylymynyng jazuynsha, udyng әser etu uaqytyn eseptegen qylmyskerler Navalinyy Tomskiden Mәskeuge qaray úshqan kezde jolda qaytys bolady dep shamalaghan boluy mýmkin.

Reseylik oppozisioner, Jemqorlyqpen kýres qorynyng jetekshisi 44 jastaghy Navalinyy 20 tamyz kýni Tomskiden Mәskeuge baghyt alghan úshaqta jaghdayy kýrt nasharlaghan. Úshaq sayasatker densaulyghynyng nasharlauyna baylanysty Omby qalasyna qonugha mәjbýr bolghan. Sayasatker Omby auruhanasynda eki kýn jatty. Ondaghy dәrigerler Navalinyidyng zat almasu prosesi búzylghan dep mәlimdedi. Olar "sayasatker ulandy" degen Navalinyy jaqtastarynyng tújyrymyn joqqa shygharghan. Degenmen "Meduzanyn" jazuynsha, Ombyda sayasatkerding ulanghany "aydan anyq bolghandyqtan" jedel jәrdem kóliginde oghan atropin salghan.

22 tamyzda tuystary men jaqtastarynyng talabymen sayasatker Berlindegi "Shariyte" klinikasyna auystyryldy. Nemis dәrigerleri zerthanada teksergennen keyin Germaniya ýkimeti Aleksey Navalinyy qúramy jaghynan sovet odaghy kezinde shygharylghan әskery "Novichok" uyna úqsas zatpen ulandy dep mәlimdedi.

Dýisenbi kýni nemis dәrigerleri Navalinyidyng densaulyghy jaqsarghanyn, komadan shyqqanyn habarlaghan edi.

Abai.kz