Armeniya syrtqy ister ministrligi Ankarany "Ázerbayjangha әsker jiberip jatyr" dep aiyptady.

Ázerbayjan men Armeniya shekarasynda 27 qyrkýiekten beri qaruly qaqtyghys bolyp jatyr. Eki tarap birin biri kinәlap jatyr.

Erevan Bakudy "Tauly Qarabaqqa qol súqty" dep aiyptap, elinde әskery jaghday jariyalaghan. Ázerbayjan bolsa "Armeniya birinshi bolyp shabuyl jasady" dep, "Tauly Qarabaqtaghy soghysty otan ýshin soghys" dep mәlimdedi.

Halyqaralyq qauymdastyq moyyndamaghan Tauly Qarabaq aimaghynyng әsker jetekshileri qaqtyghystyng ekinshi kýni 15 jauynger mert bolghanyn habarlady. Olar atystyng birinshi kýninde 16 әsker oqqa úshqanyn mәlimdegen. Resmy mәlimet boyynsha, Qarabaqtyng 31 jauyngeri jәne eki beybit túrghyn qaza bolghan.

Armeniya qorghanys ministri Arsrun Ovannisyan atys kezinde 100-ge tarta adam jaralanghanyn, olardyng bir bóligi Erevangha jetkizilgenin aitty.

Ázerbayjan qorghanys ministrligi 550-den kóp әsker oqqa úshqanyn habarlady. Biraq Erevan búl aqparatty teriske shyghardy.

Halyqaralyq qauymdastyq taraptardy tez arada soghysty toqtatugha, kelissózge keluge shaqyryp jatyr.

Tauly Qarabaq tónireginde dau Sovet Odaghy kezinen bastalghan. Ol kezde Tauly Qarabaq audany Ázerbayjan SSR-i qúramyna kirgen, biraq túrghyndarynyng kóbi armyan bolghan. 1988-1994 jyldary aralyghynda bolghan әskery qaqtyghys kezinde 30 myng adam qaza tauyp, jýzdegen myng adam bosqyngha ainalghan. Armeniya әskerining qoldauyna ie bolghan separatister Tauly Qarabaqtyng basym bóligin baqylauyna alyp, ózining qaramaghyna Ázerbayjangha tiyesili key audandardy da tirkep aldy. Ázerbayjan búl territoriyany okkupasiyalanghan dep ataydy. 1994 jyly eki el arasynda qaruly qaqtyghysty toqtatu jәne shiyelenisti beybit jolmen sheshu jóninde kelisim jasaldy. Biraq búl kelisim shiyelenisti sheshken joq.

Derekkóz: centralasian.org

Abai.kz