8 qazanda Almatydaghy Adam qúqyghyn qorghau jónindegi halyqaralyq buro kensesinde mәselelerin aitqan qyzmetkerler "koronavirus júqtyrghan nauqastarmen tikeley júmys istemesek te olarmen baylanysta bolghan adamdarmen birge istep, basymyzdy qauipke tiktik" deydi. Búl jiyngha 400-den astam qyzmetkerding atynan kelgen bastama tobynyng ókilderi (3 adam) qatysty.
– Mysaly, biz sol stansiyada tazalyq júmystarymen ainalysamyz. Kólikterdi tazalau, dәrigerlerge qajetti kiyimderdi juu - bizding moynymyzda. Basshylyq kýnde erteng deumen keledi. Jeti ay boldy. Biz óz jalaqymyzdan tysqary "Núr Otan" bergen 50 myng tengeden basqa artyq aqsha kórmedik. Aramyzda júmys babynda jýrip virus júqtyrghandar da bar, - deydi Toghjan Jamyrova esimdi qyzmetker.
Shaghymdanushy top ókilderining sózine qaraghanda bastapqyda olardy koronavirus júqtyrghan nauqastarmen júmys istegen ýshinshi kategoriyadaghy medisinalyq qyzmetkerlerding tizimine engizgen. Keyinirek tizimnen alynyp tastalghan.
Jedel jәrdem qyzmetkerleri mausym aiynda da ózderine tiyisti ótemaqynyng berilmey jatqanyn aityp narazylyq bildirgen bolatyn.
Qazaqstanda zang boyynsha koronaviruspen kýresken medisina qyzmetkerlerine ýsh kategoriya boyynsha ýstemaqy tólenedi. Songhy kategoriyagha engen medisina qyzmetkerlerine 200 myng tengeden astam ýstemaqy beriledi.
Jedel jәrdem stansiyasynyng bas dәrigeri Birjan Ospanov Azattyq tilshisine bergen jauabynda shaghymdanghan qyzmetkerlerding ýstemaqy alugha qúqyghy bar ekenin rastap, jaqynda olargha tólenetinin aitty.
"Qújattar mәselesi sheshiluge az qaldy. Jaqynda 415 qyzmetkerding barlyghy ýstemaqy alady. Biz búl jóninde ózderine de aityp týsindirgenbiz. Biraq qazir ne ýshin shaghymdanyp jatqanyn bilmeymiz" dedi ol.
Kóktem men jaz ailarynda da ondaghan medisina qyzmetkeri "koronavirus júqqan nauqastardy emdesek te ýstemaqy almadyq" dep shaghymdanghan. Keybiri ýstemaqynyng dúrys eseptelmegenin algha tartqan.
Resmy mәlimet boyynsha, 12 830 myng medisina qyzmetkerine koronavirus júqqan: 8 339 dәrigerding virusty júmysta júqtyrghany anyqtalghan. 182 dәriger koronavirustan qaytys bolghan.
Koronavirus nemese koronavirustyq pnevmoniya júqtyrghan medisina qyzmetkerine – 2 mln tenge, koronavirustan qaytys bolghan medisina qyzmetkerining otbasyna 10 mln tenge kóleminde ótemaqy beriledi.
Abai.kz
