Qazaq televiziyasy tarihynda alghash ret qazaqtildi kórermenge әlemdik avtorlyq kinotuyndylar úsynylmaq. 16 qazannan bastap «Abai tv» arnasynan jurnalist Darhan Ábdikting «Songhy muza» tanymdyq jobasy efirge shyghady.

Habar jas kiynematograftargha avtorlyq kino janryn kәsiby túrghydan talqygha salatyn, sol arqyly otandyq kino problemalaryn kóteretin qazaqtildi telealang úsynudy kózdeydi. Osy maqsatta baghdarlamagha ataqty metrlar ghana emes, kino akademiyasynyng joghary kurs studentteri, jas rejisserlar men yntaly kórermen shaqyrylady.

«Avtorlyq filimderdi satyp alu kommersiyalyq túrghydan tiyimsiz bolghandyqtan, kinoprokatqa shyqpaydy, alayda, búl tuyndylar әlemdik kinofestivaliderde naghyz óner jauhary retinde moyyndalghan. Ókinishke qaray, әli kýnge deyin olardyng kóbi qazaqtildi kórermenge úsynylghan joq. Sol sebepti «Songhy muza» habaryn «Qazaqstan» teleradiokorporasiyasy tarapynan jýzege asyrylyp otyrghan ýlken eksperiyment әri aghartushylyq biyik maqsatty kózdeytin joba dep esepteuge bolady», - deydi baghdarlama jýrgizushisi D.Ábdik. 

«Abai tv» arnasy jalpy 130-dan astam sheteldik filimdi qazaq tiline audaryp úsynbaq. Onyng ishinde «Oskar» iyegeri «Koroli sózi», «Qúldyqtaghy 12 jyl», «Aspan balalary», «Ýzdik әiel róli» atalymy ýshin «Altyn globus» jýldesin alghan «Jan ainasy» filimderi, Ch.Chaplinning «Ýlken qala ottary», «Jana dәuir», irandyq rejisser A.Kiarostamiyding «Shiyening dәmi», «Bәrimizdi jel úshyrady», «Ómir-ózen», amerikalyq rejisser M.Flenagannyng «Áuen qúdireti», amerikalyq kiynematografist D.Leonettidyng avtorlyq tuyndylary bar. 

Baghdarlama barysynda kórermenge kino tilining allegoriyasy, kartina jelisinen tys qalatyn operator júmysynyng erekshelikteri, montaj barysynda paydalanylghan әdister kәsiby túrghydan týsindiriledi.

Joba «Abai tv» arnasynan 16 qazannan bastap әr júma sayyn 22:20-da efirge shyghady. 

Abai.kz