"Qazir preziydent jәne parlament saylauy zanyna ózgeristerdi dayyndap jatyr. Eger nәtiyjesinde zandar ózgertilse, preziydent saylauyna qatysamyn. Biraq qazir búl turaly aitu erte. Búl mәsele boyynsha sheshim qabyldanghan joq" dedi Japarov 19 qazanda "Rossiya-24" telearnasyna bergen súhbatynda.

Qyrghyzstan Konstitusiyasyna say, uaqytsha preziydent bolghan adam preziydent saylauyna qatysa almaydy. Al elde Konstitusiyany ózgertu ýshin halyqtyq referendum ótui tiyis.

Adam úrlady dep sottalyp, keyin jaqtastarynyng kómegimen bosap shyqqan eks-deputat Japarov aldymen premier-ministr, keyin uaqytsha preziydent qyzmetine taghayyndaldy. Al el preziydenti Sooronbay Jeenbekov elde parlament saylauy nәtiyjesine qarsy narazylyqtan song otstavkagha ketti. Al Japarovty uaqytsha preziydenttikke Jogorku kenesh bekitken edi.

4 qazanda ótken parlament saylauynan keyin Jogorku keneshke ótpey qalghan oppozisiyalyq partiyalar men júrt jappay narazylyqqa shyghyp, qayta saylau ótkizudi, Jeenbekovting preziydenttikten ketuin talap etti. Narazy júrt "saylauda biylikke jaqyn partiyalar jendi, olar әkimshilik resurstardy paydalandy, júrtqa aqsha berip dauys satyp aldy" dep aiyptaghan.

Narazylar 6 qazangha aughan týni preziydent pen parlament otyratyn "Aq ýidi", Memlekettik últtyq qauipsizdik komiytetining ghimaratyn basyp alyp, qamauda otyrghan eks-preziydent Almazbek Atambaevty, eks-premier Sapar Isakovty, búrynghy deputat Sadyr Japarovty bosatyp alghan. Atambaev qylmystyq top jetekshisi Aziz Batukaevty týrmeden bosatty degen aiyppen 11 jylgha sottalghan. Al Isakov "Bishkek JES jóndeu júmysyna bólingen aqshany jymqyru aiybymen" 18 jylgha týrmege qamalghan. Japarov 2013 jyly Qúmtór altyn kenishin memleket iyeligine alu talabymen Qaraqol auylynda miting úiymdastyryp, sol kezdegi Ystyqkól oblysynyng әkimin kepilge alghan degen aiyppen 2017 jyly tamyzda 11,5 jylgha týrmege qamalghan.

Elde narazylyq kýsheygen tústa Ortalyq saylau komissiyasy 4 qazandaghy saylaudyng nәtiyjesin joydy.

Jogorku kenesh qamaudan shyqqan Japarovty aldymen premier-ministrlikke taghayyndady. Al Jeenbekov elde jana parlament saylauy ótpey preziydenttikten ketpeytinin aitqan. Biraq Japarovtyng jaqtastary Jeenbekovting otstavkasyn talap etudi toqtatpady. 15 qazanda Jeenbekov "tarihta óz halqyna oq atqan preziydent bolghysy kelmeytinin" aityp, preziydenttikten ketti.

Abai.kz