2025 jylgha deyin 87 auyldyq eldi meken taza auyz sumen qamtylady. Búl turaly QR ekologiya, geologiya jәne tabighy resurstar ministri Maghzúm Myrzaghaliyev mәlimdedi. 

Ministr jospar boyynsha, 2025 jylgha deyin 11 toptyq su qúbyrlary qayta janartylyp, jóndeletinin aitty. Onyng ishinde, birqatar su qúbyrlary úzartylady.

«Osynyng arqasynda búghan deyin sapaly suy bolmaghan 87 auyldyq eldi meken taza auyz sumen qamtamasyz etiledi. Búl 103,7 myngha juyq adamdy qamtidy. Sonymen qosa, 321 auyldyq eldi mekenning auyz su beru jýiesi janartylatyn bolady. Búl, óz kezeginde 524,6 myng adamdy qamtidy», — dedi ministr.

Sonymen qatar, «Núrly jer» memlekettik baghdarlamasy shenberinde 2025 jylgha deyin toptyq su qúbyrlary jobalaryna 133,1 mlrd astam tenge qarajat bólu josparda bar.

Onyng ishinde janadan salugha 14,5 mlrd tenge, al qayta janartugha 118,6 mlrd tenge bólinbek.

«Osynyng esebinen aldaghy bes jylda janadan 1469 shaqyrym qúbyr jelileri salynady jәne 1724 shaqyrymy qayta janartylyp, qajetti jóndeu júmystary jýrgiziledi», — dedi M. Myrzaghaliyev.

Atqarylatyn júmystardyng arqasynda búryn auyz sumen qamtamasyz etilmegen 90 auyldyq eldi mekenge su qúbyry jetkizilip, 105 myng túrghyngha sapaly auyz su qoljetimdi bolady.

Sonymen qatar, 321 eldi mekenning auyz su beru jýiesi jóndelip, janartylady. Búl 524,6 mynnan astam adamdy qamtidy.

Jalpy, 5 jyl ishinde 3 mynnan astam shaqyrym toptyq su qúbyrlary salynady. Auyz sumen qamtamasyz etu kórsetkishin 100% payyzgha jetkizu josparlanghan.

Abai.kz