Ótken aida, bir azamattyng qúqyghyn qorghap jýrip, "qúzyrly" degen organdardyng bir nesheuine kirip shyqtyq. Ishki ister men qosa, prokuratura dep atalatyn, zannyng oryndaluyn qadaghalaytyn jerlerde de boldyq.

Aytpaghym, biz qayssy birine kirsek taghy, QR "Til turaly" zanynyng talaptary búzylady da túrady. Búl jerde, әriyne, ózge tildi bilmeytin key azamattarymyzdyng qúqylary da, qosa búzylatyny sózsiz.

Aldymen, audandyq polisiya bólimshesining kire berisinen, orys tilinde ghana ilingen jazbalardy kórip, birden, búl zang búzushylyq ekenin, sol jerding formy kiygen zangerlerlerine týsindirgendey boldyq. Kelesi joly barghanymyzda, eskerilusiz qalghan zang búzushylyq, kózimizdi badyraytyp qoyyp, taghy qarsy aldy. Bizde de úyat joq. Búlarda da úyat joq. Úyat joq jerde, Zang qaydan bolsyn deymin men. "Búzylghan" aqparattaryn zandy qalpyna keltirulerin taghy súradyq. Olar bolsa, jana ghimaratqa endi kóshkenderin aityp, jana basshy kelgenin syltaulatyp, sonynda, búl "is" olardyn qoldarynan kelmeytinin jetkizdi?!

Qalalyq prokuraturada da sonday jaghdaygha tap boldyq. Kózge kórinip túrghan zang búzushylyqtargha qatysty, kire beristegi "Kýzetshi bala", Basshylargha jetkizemiz deumen ghana shektelip qaldy.

Al, endi, elimizding bas prokuraturasynda zang búzushylyqqa tirelgenimiz, shynymenen úyat boldy. Bir paraqqa jazylghan aqparattarynda, orys tili Memlekettik tilden joghary túr. Al, jeke paraqtargha jazyp ilingenderinde, orys tili taghy basym bolyp, sol jaghyna jabystyrylghan.

Búl endi, Bas prokuratura.

Hatymdy qabyldap jatqan kense qyzmetkeri, Til mamandaryna aitamyz dep, qysqa qayyryp ol ketti.

Mening de, ýnemi aitatynym. Búl mekemelerge keletin adamdar, jeke mәselelerimen bastary qatyp, sol jerge tәueldi bolyp baratyndary belgili. Sondyqtan, ózderine qatysty bolmasa, búnday zang búzushylyqtardy kóre túra, mәn berip, eshtene aitqylary kelmeydi.

Til sayasaty komiyteti basshysymen alghashqy kezdeskenimde, osy Til mәselesine baylanysty óz oiymdy aitqan edim. Keyin bir, sóileskenimde, prokuratura, әdilet basqarmalary qyzmetkerlerimen jaqyn arada jeke bir kezdesu ótkizemiz dep, sendirip edi meni, Ádilbek Qaba myrza. Sodan beri, kýtude bolyp, qúrylghan top, jiyndarynda da ýndemey jýrgen jayymyz bar. Biraq, qashanghy jýre beremiz.

Shynymen, eger nәtiyjeli júmys jasaymyz desek, aldymen osy attary atalghan organdarmen kezdesu ótkizip, mәselening betin ashyp aluymyz kerek. Ári qarayghy júmystardy, solarmen birlesip jasaghanymyz jón dep, taghy qaytalaymyn.

Al, qazirgi bizdin, kóshe "tazalap", kәsipkerlerge shýiligip, bilim men ghylymdy "ósektep", kino, mulitfilimderdi, t.t. "әngimelep" jýrgenimiz, júmystyng jay qimylyn (imitasiya) ghana kórsetedi dep bilemin.

Qatty aitsam irenjimenizder. Barlyghy, tek Til ýshin. Barlyghy Últ ýshin...

Jasúlan Isanyng jazbasy

Abai.kz