Qasym-Jomart Toqaevtyng atyna Qazaqstan Respublikasynyng Tәuelsizdik kýnine oray shet memleketterding basshylary men halyqaralyq úiymdardyng jetekshilerinen qúttyqtau jedelhattary kelip týsude.

Germaniya Federativtik Respublikasynyng Preziydenti Frank-Valiter Shtaynmayer jeke ózining jәne býkil elining atynan Qazaqstan halqyn Tәuelsizdik kýnimen shyn jýrekten qúttyqtady.

«Tәuelsizdik alghan sәtten bastap eki eldi dostyq әri tyghyz qatynastar biriktiredi. Qazaqstandaghy etnikalyq nemister óz mәdeniyetine degen qúrmetke ie bola otyryp, elderimiz arasyn baylanystyrushy altyn kópir bolyp otyr. Sizding Berlinge jasaghan byltyrghy saparynyz bizding yntymaqtastyghymyzgha qosymsha serpin berdi. Germaniya bolashaqta Qazaqstannyng senimdi seriktesi bolyp qala beredi», – delingen GFR Preziydentining jedelhatynda.

Rim Papasy Fransisk qúttyqtau hatynda Qazaqstan Preziydentin Tәuelsizdik kýnimen qúttyqtap, barlyq elding beybitshilik pen yntymaqtastyqta boluyna jәne qúdaydyng rizashylyghyna bólene beruine tilektestik bildirgen jýrekjardy sózderin jetkizgen.

Qazaqstannyng Tәuelsizdik alghanyna 29 jyl toluyna oray Qasym-Jomart Toqaevqa Qyrghyz Respublikasy Preziydentining mindetin atqarushy Talant Mamytov ta qúttyqtau hatyn joldady.

«Qazaqstan Respublikasy tәuelsizdik jyldary memleketti qalyptastyru, sayasy jәne әleumettik-ekonomikalyq damu isinde ýlken tabysqa qol jetkizdi, halyqaralyq arenadaghy elinizding bedeli birtindep nyghayyp keledi. Qyrghyz Respublikasy men Qazaqstan Respublikasy arasyndaghy tatu kórshilikke, strategiyalyq seriktestikke jәne odaqtastyq baylanystargha negizdelgen ekijaqty qatynastar eki elding iygiligi ýshin odan әri damyp, terendey beretinine senimdimin», – delingen jedelhatta.

Avstriyanyng Federaldyq Preziydenti Aleksandr Van der Bellen ózining qúttyqtauynda barlyq qazaqstandyqtargha baq-bereke tilegen.

«Elderimiz arasynda qalyptasqan jaqsy dostyq qarym-qatynastar ekonomika jәne energetika salalaryndaghy yntymaqtastyqtyng odan әri damyp, kenenine septigin tiygizedi dep senemin», – dep jazghan Avstriya Preziydenti.

Sonymen qatar Qasym-Jomart Toqaevtyng atyna qúttyqtau jedelhattaryn Niyderland Koroli Villem-Aleksandr, Kanadanyng General-gubernatory July Payett, Malayziyanyng Premier-Ministri Tan Sry Muhiddin Yasiyn, Tayland Korolidigining Premier-Ministri Prait Chan-Ocha, Avstraliya General-gubernatory Devid Herli, Nikaragua Preziydenti Daniyeli Ortega Saavedra jәne Nikaraguanyng Premier-Ministri Rosario Murilio joldady.

Abai.kz