Preziydent Qasym-Jomart Toqaevtyng nazaryna!

Bes partiya Mәjiliske baratyn kandidattarynyng tizimin jariyalady. Biraq, qay jәne qansha partiyanyng jeniske jeteri әzirge belgisiz.

Sol qatarda Qazaqstan halqy Assambleyasynan saylanatyn toghyz deputattyng da tizimin kórdik. Sol toghyzdyng basynda Sauytbek Ábdirahmanov aghamyz túr.

Jasyrmay-aq aitayyn, Mәjilisting osy jolghy jetinshi shaqyrylymynda shetten oralghan qandastarymyzdan da bir-eki deputat bolsa eken dep qatty ýmittendik. Ókinishke qaray, «Auyl» partiyasynan ózge pratiyalar úsynghan kandidattardyng qatarynan bir de-bir qandasymyzdyng esimin kezdestire almadyq. Ishimizden sol «Auyl» partiyasynan úsynylghan aitysker aqyn Dәuletkerey Kәpúly bauyrymyzdyng tileuin tilep otyrmyz. Biraq, Dәuletkereyding deputat bolar bolmasy búlynghyr.

Birinshiden, «Auyl» partiyasynyng Parlamentke óter-ótpesin eshkim kesip aita almaydy. Ekinshiden, «Núr-Otan» tarapynan aitystyng taghy bir aqtangeri, halqymyzdyng ayauly azamaty Amanjol Áltaev úsynylypty. Alda-jalda bireu-mireu: «Mәjilis ne, aitys ótkize me? Eki aityskerding bireui deputat bolsyn» dep qalsa, Amanjoldyng ótip ketui bek mýmkin.

Biylik óte jaqsy biledi, Tәuelsiz Qazaqstannyng tarihynda shuy men dau-damayy kóp salanyng biri – Kóshi-qon boldy. Mәjiliste osy salanyng mәselelerin jaqsy biletin maman deputat bolmaghandyqtan, Zandar dúrys qabyldanbay, sonyng kesirinen qandastarymyz әbden zardap shekti. Songhy bes jyldyng kóleminde ózimiz bel sheship kirisip edik, beti beri qaraghanday boldy. Biraq, býtindeytin jamau jyrtyghy әli jetip artylady.

Sóitip, partiyalardan bólek, osy Qazaqstan halqy Assambleyasynan saylanatyn toghyz orynnyng biri qandastarymyzgha búiyratyn shyghar dep oilaghanbyz. Tipti, biraz әreketter de jasap kórgenbiz. Jolymyz bolmady, Sauytbek agham taghy kelip, jayghasyp alypty.

Songhy mәlimetke qaraghanda, jalpy 1991 jyldan beri respublikagha 1 million 69 myng etnikalyq qazaq kóship kelipti. Sonyng 10 payyzy joghary bilimdi azamattar. Bylaysha aitqanda, bir ýlken әleumettik top. Sonda solardyng ishinen bir layyqty deputat shyqpay ma? Áriyne, shyghady. Qandastarymyzdyng da preziydentting sayasatyn qoldap, memleket isining bir jaghynan shyqqysy keledi.

Shetten oralghan aghayyndarymyz shekaradan ótip, qújattanyp, qashan jana ortagha sinisip bolghansha, «Qandas» degen mәrtebemen bir ýlken әleumettik top retinde qaralady. Olardyng jaghdayyn qanyq biletin, tilin taba alatyn lauazymdy túlghalar Ýkimette de, Zang shygharushy organda da bolghany jón.

Biraq, búl mәsele ómiri eskerilmey keledi.

Qarap otyrsaq, Tәuelsiz Qazaqstan Parlamentining tarihynda shetten kelgen qandastarymyzdan birde-bir Mәjilis deputaty bolmapty.

Qazir qandastarymyzdyng sheteldegi sayasy qysym men pandemiyagha baylanysty, bir-birinen bólinip, saghynyng synyp, jigerining qúm bolyp túrghan shaghy. 

Olardyng da kóniline qarap, tilegin eskerip qoyghan artyqtyq etpeydi. 

Azdaghan kózqarasymyzdaghy aiyrmashylyqtargha qaramastan, óz basym Sauytbek Abdyrahmanovty ishtey qatty syilaymyn. Óte talantty qalamger. Tәuelsiz Qazaqstannyng irgetasyn qalghan agha buynnyng ókshesin basyp kele jatqan túlgha retinde enbegin de baghalaymyn. Mine, sol enbegi eskerilip, biyl Preziydent Qasym-Jomart Toqaevtyng qolynan Memlekettik syilyq aldy. Dau joq, ol – búl marapatqa layyq qalamger. Qútty bolsyn aitam.

Mәjilistegi Júmys tobyna qatysyp jýrip, Sәukenmen bir-eki talqyda birge bolyp ta qaldyq. Zang jobasy qyp-qyzyl talqygha týsip jatqanda suyrylyp shyghyp, úsynys bergenin kórmedim.

Sosyn Qytaydan qashyp kelgen azamattar «Bosqyn» mәrtebesin ala almay, sotqa tartylyp jatqanda, «Bosqyndar turaly» zangha tolyqtyru engizu ýshin, Sәukeng bastaghan bir top deputatqa hat jazyp, úsynys ta berdim. Sony sәtsiz ayaqtaldy. Aghamyz shóp basyn syndyrghan joq, ózgege siltey saldy.

«Qazaqstan halqy Assambleyasy turaly» Qazaqstan Respublikasynyng 2008 jylghy 20 qazandaghy N70-IV Zanynyng 6-babynda: 

Qazaqstan halqy Assambleyasyna demografiya jәne kóshi-qon salasyndaghy josparlar men is-sharalardy әzirleuge jәne iske asyrugha qatysudy jәne shet elderdegi qazaq diasporasyna ana tilin, mәdeniyeti men últtyq dәstýrlerin saqtau jәne damytu, onyng tarihy Otanymen baylanystaryn nyghaytu mәselelerinde qoldau kórsetudi óz qyzmetining negizgi baghyttarynyng biri retinde mindettemeler jýktelgen.

Demek, Kóshi-qon men Assambleyanyng qabysyp jatqan osynday ortaq maqsaty bar...

Sauytbek agha at ýstinen týspegen azamat. «Egemen Qazaqstan» gazetining basshysy mindetinen bosaghan son, Assambleyadan bir kezek deputat boldy. Jón delik. Mine, jas bolsa zeynetkerlikten bayaghyda asyp ketti. Jana jyl tusa, jetpis jas kýlip túr. «Sәuke, kelshi, deputat bolshy!» dep, shaqyryp túrghan Mәjilis joq ekeni bes qoldyng salasynday belgili. Endi deputattyq mandatty ini-qaryndastarynyn, naqtylap aitsam, qandastarynyng bireuine berip, dem alghany, jazylmay jatqan dýniyelerin qaghaz betine týsirumen ainalysqany jón edi...

Auyt Múqiybek,

QR preziydenti janyndaghy Últtyq qoghamdyq senim kenesining mýshesi

Abai.kz