Tәuelsizdik kýni qarsanynda órbiytin dәstýrli әngime bar: «Tәuelsizdik kýni ótpey jatyp nege Jana jylgha dayyndyq bastalyp ketti?»

Ótkende osynday qoghamdyq qysymnyng әserinen ýlken bir sauda ýiining iyesine bazyna aittym. Osy taqylettes әngimeden sharshaghan bolsa kerek.

– Men ne, Tәuelsizdikke qarsy deysiz be? – dep shyqty qany basyna shauyp. – Aqylmandardyng osy sózi sharshatty. Olar tәuelsizdikke ne istepti, sonshama? Aqyl aitatynday. Tәuelsizdik alghannan beri kәsippen ainalysyp kelemin. Tólegen salyghymnyng esebi joq, qanshama adamgha júmys tauyp berip otyrmyn... – dep búrqylday jóneldi.

Oylanyp qaldym. Osy biz Tәuelsizdik pen Jana jyldy qarsy qoyyp jýrgen joqpyz ba?

Jana jyl kәsipkerler ýshin mereke emes, marketing, saudanyng jýretin kezi. Sauda jýrse, ekonomikalyq belsendilik artady, súranys kóbeyedi, salyq týsedi, qosymsha júmys oryndary ashylady. Ekonomikamyz quatty bolsa, tәuelsizdigimiz nyghaya týsedi.

Talay órkeniyetti elding tәuelsizdik kýnderin qalay toylaytynyn kórip jýrmiz. Kóbi Jana jyl merekesining qolyna su qúya almaydy. Jana jyl qarsanynda kóshelerin eki ay búryn bezendire bastaydy. Soghan qaraghanda Jana jyl, shynynda da, mereke emes, ýlken marketing.

Tәuelsizdik – memlekettigimizding shyny, memlekettilikting jana jylnamasynyng bastauy. Eger tarihy dәuirler ghylymda Isa payghambargha deyin jәne keyin dep jiktelse, Tәuelsizdik te bizding memlekettigimizding Tәuelsizdikke deyin jәne keyin deytindey betbúrysty kezen.

Al Jana jyl da jana kýntizbening basy. Qarama qayshy qoymay, Tәuelsizdik kýnining Jana jylgha úlasyp ketetindey ýilesimin tapqanymyz jón bolar dep oilaymyn.

Keler jyly Tәuelsizdikting 30 jyldyghy. Eng basty mereke. Bas meyram. Tәuelsizdik kýnin atap ótuding jalpyúlttyq tújyrymdamasy qajet siyaqty kórinedi ózime. Biraq ony әkimshilik resurspen tanugha bolmaydy. Ár ónirding parasatty azamattary otyz jylda qalyptasyp ýlgergen merekelik dәstýrlerdi iriktep, formasyn jetildirip, el-júrttan úsynys jinap, ortaq tújyrymgha kelip, mereke sharttaryn jylda búljytpay qaytalap otyrsaq, merekelik dәstýr qalyptasady.

Mereke – búl dәstýr, al dәstýr jylda qaytalana beretin, bes týisigimizge týrtki bolatyn әserlerden túrady. Kýtiletin әser. Ne bolatynyn bilsek qana ol merekening kelgenin kýtemiz.

Shynghys Múqannyng jazbasy

Abai.kz