Kýn sayyn qyzmet babymen qanshama adamdarmen jolyghamyz, kezdeysoq kórisemiz. Pandemiyadan qorqyp túrsaq ta maski taqqan kýii amandyq, saulyq súrasamyz. Sonda birqatary balasy AQSh-ta, nemese Kanada, nemese Londonda ekenin aityp jatady. “Oquyn bitirgen song sol jaqta qaldy” deydi ókinishpen. Jatjúrttyq bireuge ýilenip kete me degen qorqynyshpen keri shaqyryp alghandarynyng ózi jarty jyl, bir jyl әzer shydap, aqyry qoldaryn bir siltep, ózderi ynghayly kórgen shet eline tartyp otyrady eken.

Aytatyn uәjderi: “Qazaqstanda jastardyng “kryshasyz” qyzmettik ósuine mýmkindik joq”, “Jalaqysy mamandardyng shetelde alghan bilim dengeyinen әldeqayda tómen”, “Korrupsiyalyq bylyq-shylyqtar únamaydy”, “Bastyqqa bilimnen góri jaghympazdyq únaydy”t.b.

Bәri ras! Ókinishke qaray biz osynday el bolashaghyna senimizdiktin auyr saldaryn tarta bastadyq. Rejim auysqangha deyin әli de tartatyn bolamyz.

Keshe ilinip-salynyp Parlament Mәjilisi men mәslihat deputattarynyng saylauy ótti. El tanityn birqatar adamdar “saylaugha bardyq, ózimiz qalaghan partiyagha dauys berdik” dep jer-jahangha jar salyp jatyr. Birqatar bayqaushylardyng mәlimetinshe dauys berushiler sany aitarlyqtay tómendegen. Tek Almatynyng ózinde dauys beru ýshin tizimge alynghandardyng 27,7 payyzy ghana kelgen. Búl kórsetkish úmytpasam, elordada 44 payyz, Shymkentte 53 payyz bolypty. Kóp qalalarda 50 payyzdyng ar jaq-ber jaghy. Yaghny elektorattyng belsendiligi әldeqayda tómendegeni bayqalady.

Halyq ótirik uәdelerden, kózboyaushylyqtardan sharshaghan. Onyng ýstine qalay dauys bersek te “Nur Otan” jenedi ghoy degen sayasy sharasyzdyq. Býgingi ekziyt-pul nómiri birinshi partiya 71 payyz alghanyn jariyalap ta qoydy. Kýmәn kóp. Biraq әkimshilik resurs bir kisidey júmyldyrylghan song bizding elimizde basqasha boluy da mýmkin emes qoy.

“Kýrkirep kýndey ótti ghoy soghys” demekshi, mineki, saylau da artta qaldy. Biylik partiyasynyng “oydaghyday” kósh bastaghanyn kózimiz kórdi. Býgin-erteng Mәjilis jasaqtalghan song Ýkimet te dogharysqa keter. Jana Ýkimet taghayyndalar. 2019 jylghy Preziydent saylauynan song Q.Toqaevqa ant bermegen kýsh qúrylymdarynyng basshylary biyl da oryntaqtaryn saqtap qalsa ótken jolghyday oghan taghy ant bere qoymas. Keybir vedomstvo basshylary ózgergenimen rejim qaz qalpynda qala beredi.

Saylau ótkenmen halyq kýtken ózgerister, týbegeyli reformalar oryn almasy anyq. Múnyng bәri halyqtyn, әsirese jastardyng ertengi kýnge degen senimin “dәu tyshqandarday” kemirip barady. Eng súmdyghy jastardyng ottay janghan patriottyq sezimderi joyylyp kete me dep qorqamyn.

Elden tehnikalyq, aitishniyk, ekonomist mamandar ketip jatyr. Túraqty mekendeuge ketip jatqandarynan basqa jay vizamen baryp qalyp qalghandar, túrugha ihtiyarhat kýtip jýrgender qanshama? Songhy tórt jylda emigrasiyagha ketip jatqandar onyng aldyndaghy kezenmen salystyrghanda 38 payyzdan 88 payyzgha ósken. Biylik osy tendensiyany nege qaperge almaydy? Memleket ertengi kýni kimge qalady, deputat myrzalar?

Marat Bәidildaúlynyng jazbasy

Abai.kz