10 qantarda ótken Parlament Mәjilisi saylauynan keyin el Ýkimeti qayta jasaqtaldy. Múndaghy «qayta jasaqtaldy» degen sóz aitargha ghana. Áytpese, jana ýkimette eki-aq ministr janadan taghayyndaldy. Al ózgeleri… ózgerissiz oryndarynda qaldy.

Osyghan qarap el arasynda «Asqar Mamin ýkimetinde kadrlyq daghdarys jalghasuda» degen әngime taraghan. Tútas ýkimet qúramynan eki-aq ministrding auysuyn basqalay qalay qabyldaugha bolady?

El ýkimetinde ministr qyzmetine ghana emes, kishi ministrlikke taghayyndaytyn da ondy kadr qalmaghan sekildi. Búlay deuimizge Ghabidolla Ábdirahymovtyng Mәdeniyet jәne sport viyse-ministri qyzmetine taghayyndaluy sebep bolyp otyr.

Ghabidolla Ábdirahymov

Mәdeniyet jәne sport viyse-ministri qyzmetine taghayyndalatynday Ghabidolla Ábdirahymov degen kim? Onyng mamandyghy, osy uaqytqa deyin atqarghan qyzmeti atalghan ministrlikting qúzyretine say kele me? Joq, kelmeytin siyaqty. Óitkeni ol – agrarlyq salanyng mamany.  Qazaq memlekettik agrarlyq uniyversiytetin 1996 jyly ekonomist-buhgalter mamandyghy boyynsha tәmamdaghan. Bizding keyipkerimiz әr jyldary әrtýrli qyzmetting basyn shalyp jýrdi. Sóitip kózge týsken. Al Ábdirahmanovty әigili etken oqigha – Shymkent qalasynda әkim bolghan kezi.

Elimizdegi ýlken shahardyn, Núr-Súltan men Almatydan keyingi iri qalanyng әkimi bola túryp ol birde turistik agenttikting jaldamaly ókili qúsap qarapayym halyqty әlemdi kezip, sharlaugha shaqyrdy. Eger ol qarapayym halyqty әlemdi sharlaugha shaqyrghan sózin Shymkentte otyryp aitsa, sәl-pәl aqylgha qonar ma edi.., olay bolmady. Sondaghy әkimimiz Londondaghy ózine tiyesili appartamentting aldynda, kózine taqqan qymbat kózildirigine kóldeneng ótip bara jatqan biykeshting súlbasyn týsirip túryp, elge degen mahabbatyn pash etpek bolghan-dy, alayda onysy basynan beyneti arylmaghan shymkenttikterding ashu-yzasyn tudyrdy.

Ol ol ma, Ghabidolla myrza әkim kezinde angharmay sóileuden aldyna jan salmaytynyn talay anghartqan. Mәselen, Arys qalasynda jarylys bolyp, halyq Shymkent qalasyna aghylyp kelgende aldynan shyqqan әkim Ábdirahymovtyng jigitterge «әielderine ie bolyndar» dep, aiqaylaghyny esimizde. Ashynghan júrtty meshitting aulasyna shaqyryp, kelege keltirmek bolghan әkimning qazaqtargha oryssha sóilep әkirendegeni de esimizde. Taghy birde ol «Shymkent zyn-zyng qala» dep, kóshe jastarynyng tilinde sóilep, aidy aspangha shyghardy. Sonymen toqtamay, elge jaqyndaghan synay tanytyp, qoghamdyq kólikpen jýrip te kórgen boldy, kóshede velosiyped te tepti. Biz әkim qaralar qoghamdyq kólikke ayaq artpasyn, velosiyped teppesin demeymiz, biraq sonyng bәri hayp quu, ótirik bet kórsetu bolghan song amal ne?.. Halyqshyl, isker әkim avtobusqa minip, kóshede shaytan arbamen seyildemes de, jaqsyny júrt ainytpay tanidy. Jasaghan júmysyn, elge sinirgen enbegin baghalaydy. Sóitip qana qúrmetteydi.

Endeshe memlekettik qyzmetkerding etikasyna pysqyrmaytyn, mәdeniyet dengeyi týsiniksiz Ghabidolla myrzanyng mәdeniyet viyse-ministri boluy qalay desek te aqylgha qonbaydy-aq.

Mәdeniyet ministrligi – eldegi eng manyzdy ýkimettik organnyng biri. Elding el bolyp túruy ekonomikagha ghana emes, mәdeniyetke de baylanysty. Osynday manyzdy salagha halyq pen biylikting senimin aqtay almaghan adamdar qalay basshylyq etedi?!

Ghabidolla Ábdirahymovtyng mәdeniyet dengeyi men qyzmettik etikasy jayly aitpaghan kýnning ózinde ol mәdeniyet salasynda júmys istemegen adam. Onyng enbek jolyna qarasaq, preziydent әkimshiliginde, premier-ministrding kensesinde jýrgen jәne qala әkimi bolghan. Biraq múnyng birde-biri mәdeniyet viyse-ministri qyzmetine jol ashatyn qyzmet týri emes.

«Bolashaq» baghdarlamasymen shetelde bilim alghan jas kadrlardyng basshylyq qyzmetke kelgeni jón delik. Biraq әrkim ózi biletin salasynda júmys istegeni on. Keshe әkim bolyp, halyq narazylyghynan keyin kreslosynan aiyrylghan adam býgin mәdeniyet viyse-ministri bolghany týsiniksiz. El bolsa – anau, eserlerden әbden sharshady. Olardyng noqalay әreketin kýnde synap, júdyryq týiip otyr. Áytse de, halyqtyng syny, talap tilegi týkke túrghysyz bolyp barady. Tipti, kýni býginge deyin ýkimette ne tyndyrghany belgisiz Asqar Úzaqbayúly Mamin kópting sózine qúlaq asudy qoyghan sekildi. Álde, Ýkimet basshysy Asqar Mamin myrza halyqtyng sózin estimey me?

Ghabidolla Ábdirahymov Shymkent qalasynyng әkimi qyzmetinen shuly jaghdaygha baylanysty ketkende, Memlekettik hatshy Qyrymbek Kósherbaev Ábdirahmovqa qatysty «oghan berilgen senim krediyti tausyldy» dep mәlimdegen edi. Áytse de, Ábdirahymov qaytadan atqa mindi. Shamasy, ministrlikting lauazymdy qyzmetine qayta taghayyndalu ýshin jalghyz Asqar Mamin myrzanyng «senim kerdiyti» jetkilikti dep oilaghan bolar...

Taqyrypqa túzdyq

Ermek Túrsynov, rejisser: Elimizdi ruhany apat kýtip túr

«Jana Ýkimetting qúramyna qaradym. Dúrysy: eski hәm «jana» Ýkmettin... bәri ornynda. Rayymqúlova da – ornynda. Búl neni bildiredi? Búl bizding Ýkimetti Mәdeniyet mәselesi tolghandyrmaydy degendi bildiredi.

Elimizde shygharmashylyqpen shúghyldanatyn ziyaly qauym kedeylenip barady. Sahna men ekrannan úyat ketti. Kino men teatrdy naysaptyq jaylap aldy. Bizdi aldaghy kýnderi ruhany apat kýtip túr».  

Abai.kz