Qazaqstannyn salyq organdary eldegi eki ýkimettik emes úyym – Qazaqstandaghy adam qúqyghy jónindegi halyqaralyq buro men "Halyqaralyq qúqyqtyq bastamanyn" júmysyn ýsh aygha shektedi.

Salyq organdary eki úiymgha әkimshilik aiyppúl da saldy. Búl turaly Azattyqqa úiym ókilderi habarlady. Salyq organdarynyng sheshimi 25 qantarda Almatyda qabyldanghan, әli zandy kýshine engen joq.

Burogha eki million tengedey aiyppúl salynyp, ýsh aigha júmysy toqtatyldy. Úiym diyrektory Evgeniy Jovtisting sózinshe, isti qarau kezinde kóp zang búzushylyq bolghan.

- Salyq organynyng qyzmetkeri isti qaraghan adamgha kóp jaghdaydy aityp otyrdy. Biz sol salyq organy qyzmetkerine súraq qoymaq boldyq. Biz kóptegen dәiek úsyndyq, biraq ony qabyldamady. Sheshim әli kýshine engen joq, memlekettik kiris departamentine shaghym týsiruge on kýn uaqytymyz bar. Odan keyin sotqa baramyz, eger búl isting sayasy astary bolsa, ýmit az, - deydi ol.

Jovtisting sózinshe, buro júmysynyng ýsh aigha toqtauy úiym qyzmetine kóp ziyanyn tiygizbek.

- Qyzmetkerlerge qiyn bolmaq. Bizde 44 adam júmys isteydi, pandemiya kezinde olar tabyssyz qalmaq. Búl biylikke ne ýshin qajet, týsinbedim, - deydi Jovtiys.

Buro siyaqty adam qúqyghy mәselesimen ainalysatyn "Halyqaralyq qúqyqtyq bastama" úiymynyng da qyzmeti ýsh aigha toqtap, 1,1 million tenge aiyppúl salyndy. ÝEÚ búl isti úiym júmysyn búzu ýshin jasalghan "sayasy tapsyrys" dep sanaydy.

- Bizdi barlyq qúqyqtan aiyryp, jaghdaydy retteuge mýmkindik bermedi. Bizdi jazalaudy ghana oilady. Búl – taghy bir sayasy tapsyrys, qudalau. Olar bizding BÚÚ, EQYÚ jәne Europa odaghyndaghy eldermen baylanysqanymyzdy qalamady. El ishinde birde-bir birlestikti halyqaralyq úiymdarmen baylanystyrmas ýshin bizding auyzymyzdy japty, - deydi "Halyqaralyq qúqyqtyq bastama" jetekshisi Amangeldi Shormanbaev.

Búl úiym da salyq organdarynyng sheshimine shaghym týsirmek. Shormanbaev osy sheshimnen keyin úiym mýlde jabylyp qaluy mýmkin dep sanaydy.

Azattyq búghan deyin Memlekettik kiris komiytetine resmy hat joldap, ÝEÚ-gha jasalghan salyq tekserisi men olargha taghylghan naqty aiyp turaly súraghan. Búl resmy saualgha jauap kelgen joq.

2019 jyly qarashada salyq organdary eldegi 13 qoghamdyq jәne qúqyq qorghau organdaryna tekserispen kelgen. Úiymdar búl tekseristi "negizsiz" degen edi. Úiymdardyng basym bóligi eldegi saylaudy jәne sóz bostandyghyn qadaghalaydy. Salyq organdarynyng bir uaqytta bastalghan tekserisin úiymdar "sayasy qysym" degen.

15 qantarda Almaty qalasy Almaly audanynyng salyq departamenti saylaudy qadaghalaumen ainalysatyn "Eho" birlestigining júmysyn ýsh aigha toqtatyp, 1,1 million tenge aiyppúl salghan.

19 qantarda Núr-Súltandaghy Esil audandyq salyq basqarmasy "Erkindik qanaty" úiymyna "salyq esebin uaqytynda tapsyrmady" dep 277 myng tenge aiyppúl salghan.

Salyq organdary aldaghy kýnderi taghy da birneshe úiymnyng isin qaramaq.

Jaqynda Human Rights Watch (HRW) halyqaralyq qúqyq qorghau úiymy qazaqstandyq memlekettik organdardyng is-әreketin "repressivti sharalar" dep baghalap, qatty synaghan.

Derekkóz: Centralasian

Abai.kz