Býgin Mәjilis Spiykeri Núrlan Nyghmatulinning tóraghalyghymen ótken jalpy otyrysta deputattar audandyq, qalalyq jәne auyldyq biylik dengeylerining derbestigi men jauapkershiligin keneytu mәselelerine qatysty zang jobasyn birinshi oqylymda maqúldady.        

Jana zang jobasyna sәikes, endi auyldyq okrugterding budjetteri salyqtardyng jana tórt týrinen týsetin týsimder esebinen úlghaytylatyn bolady.

Mәjilis Tóraghasy Núrlan Nyghmatulin atap ótkendey, búl jergilikti budjetterding derbestigin damytudyng jana kezeni, ol auyldyng әleumettik mәselelerin jedel sheshuge mýmkindik beredi.

Sonymen qatar, Núrlan Nyghmatulin budjet qarajatyn tiyimdi әkimshilendiruding manyzdylyghyn jәne әkimderdi dayyndau dengeyining qajettigin  atap ótti. 

Ayta ketu kerek, 2018 jyly qabyldanghan Jergilikti ózin-ózi basqaru turaly zangha sәikes, bólingen qarajat birinshi kezekte qayda júmsalatyndyghy auyl túrghyndarynyng jinalysynda anyqtalatyn. Al, jana zang jobasy boyynsha әkim apparatyna óz budjetterin 20%-dan aspaytyn mólsherde týzetuge mýmkindik beriledi, budjetti rәsimderi bekitu onaylatylady, sonday-aq, menshikti týsimder kólemining 10%-nan aspaytyn mólsherde auyldyq budjet rezervin qúru kózdeledi.

Sonday-aq, zang jobasynda mәslihattar deputattaryna qosymsha qúqyqtar men mindetter beru jәne mәslihattar hatshylarynyng qúqyqtyq mәrtebesin arttyru úsynylady.

Abai.kz