Atyrau oblystyq sotynyn apellyasiya alqasy belsendi Maks Boqaev pen advokaty Janar Sýndetqaliyevanyn әkimshilik qadaghalaudy alyp tastau turaly ótinishin qanaghattandyrmady,- dep habarlaydy Centralasian.

Búghan deyin sot belsendi Maks Boqaevty bostandyqqa shyqqannan keyin 3 jyl әkimshilik qadaghalauda ústau turaly sheshim shygharghan.

10 aqpanda apellyasiyalyq shaghymdy qaraghan sudiya Dina Tuhfatova "advokat keltirgen dәiekterding Boqaevqa qatysty jaghdayda manyzy joq" ekenin aitty.

Sot onlayn rejimde ótip, oghan birneshe baqylaushy onlayn rejimde qatysty. Sot prosesi onlayn ótken bólmede advokat Janar Sýndetqaliyeva, Maks Boqaevtyng ózi, azamattyq belsendi Álibek Músaúly men Azattyq tilshisi de qatysyp otyrdy.

- Men ózimning búrynghy pikirimde qalamyn. Búghan deyingi sot prosesterinde jәne osy kýnge deyin ózimning kinәsiz ekenimdi, sayasy motivpen sottalghanymdy aityp kelemin. Sondyqtan 2016 jylghy sot ýkimin de, әkimshilik baqylau turaly sot qaulysyn moyyndamaymyn, - dedi Maks Boqaev sotta.

Advokat Janar Sýndetqaliyeva sottan әkimshilik qadaghalau turaly aldynghy sot sheshimin jondy, Boqaevtyng týrmedegi minezdemesin eskerudi súrady. Advokattyng aituynsha, Boqaevty abaqtydan bosatar aldynda onda eshqanday tәrtipbúzushylyq bolmaghan, koloniya bastyghy Tәjiqúlovtyng ózi oghan jaghymdy minezdeme bergen.

- Boqaevtyng búrynghy 8 tәrtip búzushylyghynyng ekeuin Soltýstik Qazaqstan oblystyq prokuraturasy joyghan. Oghan "tәrtip búzdy" dep taghylghan keyingi aiyptar mekeme qyzmetine kedergi keltiretindey asa auyr emes. Oghan әkimshilik qadaghalau taghayyndaugha mýldem negiz joq,- dedi advokat Sýndetqaliyeva.

Iske qatysqan prokuror Ádilúlynyng ne aitqany mýldem estilmedi. Advokat pen Boqaev prokuror sózining estilmeytindigi turaly qayta-qayta eskertkenmen sudiya sheshim qabyldau bólmesine shyghyp ketti.

Shamamen 20 minuttan song sudiya Dina Tuhfatova aldynghy sot sheshimining ózgerissiz qalatynyn, №2 Atyrau qalalyq sotynyng 22 qantar kýngi Maks Boqaevqa ýsh jylgha әkimshilik qadaghalau taghayyndau turaly qaulysynyng kýshin jongdy súraghan ótinishting qanaghattandyrylmaghanyn aitty.

- Boqaev sottalghan baptardyng biri ekstremistik qylmysqa qatysty. Sondyqtan әkimshilik qadaghalau turaly qauly shygharu - sottyng mindeti. Advokattyng tәrtip búzushylyq bolmaghany turaly keltirgen dәiekterining Boqaev jaghdayynda manyzy joq, - dedi sudiya Dina Tuhfatova.

Sot sheshimi birden kýshine enedi jәne ol qayta shaghymdanugha jatpaydy.

Búghan deyin belsendi jazasyn ótegen UG-157\9 mekemesining sottan Boqaevqa 2016 jyly shyqqan sot ýkimindegi "ýsh jylgha deyin qoghamdyq júmystarmen ainalysugha tyiym salu" turaly tarmaqty týsindirip berudi súraghany belgili bolghan. Sot bes jyl búrynghy sot ýkimine jasaghan qosymsha týsindirmede Maks Boqaevtyng jiyndargha, mitingilerge, debatqa qatysuyna, BAQ ókilderine súhbat beruine tyiym salynatynyn naqtylaghan.

2016 jylghy Jer mitingilerinen keyin 5 jylgha sottalghan Maks Boqaev jaqynda 4 aqpanda Atyraudaghy týrmeden bosap shyqty. Týrmeden shyghuyna sanauly kýnder qalghanda ol jazasyn ótep jatqan Atyraudaghy UG157\9 mekemesining bastyghy sotqa Boqaev bosap shyqqan song da oghan ýsh jylgha deyin әkimshilik qadaghalau taghayyndau turaly ótinish týsirgen.

№2 Atyrau qalasynyng qylmystyq soty 22 qantarda týrme bastyghynyng aryzyn qanaghattandyrghan.

4 aqpanda bostandyqqa shyqqan azamattyq belsendi Maks Boqaev birden Atyrau qalasyndaghy Isatay - Mahambet atyndaghy ortalyq alangha baryp, ózining 28 aqpan - 28 nauryz aralyghynda Qazaqstan Konstitusiyasyn ózgertudi, biylikti "últtyq dialog" qúrugha shaqyratyn mitingige shyghatynyn mәlimdegen.

Abai.kz