Qazaqstannyng Syrtqy ister ministri hәm Premier-ministrding orynbasary Múhtar Tileuberdi BÚÚ Adam qúqyqtary jónindegi kenesting 46-shy sessiyasyna onlayn rejimde qatysqan. Búl turaly QR SIM resmy sayty habarlady.

Ótkendegi Europarlamentting Qazaqstandaghy Adam qúqyqtary mәselesine qatysty synynan keyin ótken búl jiynda ministr hәm viyse-premier Múhtar Tileuberdi elimizde adam qúqyqtary saqtalyp jatqanyn aityp, sóz sóilepti.

«Is-sharagha BÚÚ-nyng Adam qúqyqtary jónindegi Jogharghy komissary Miysheli Bachelet, 150-den astam elding ýkimet basshylary men ministrleri, sonday-aq halyqaralyq úiymdardyng ókilderi qatysty.

M.Tileuberdi óz sózinde Tәuelsizdigimizding 30 jyldyghynda el damuynyng negizgi basymdyqtarynyng biri Túnghysh Preziydent - Elbasy Núrsúltan Nazarbaevtyng adam qúqyqtary salasyndaghy últtyq jәne halyqaralyq standarttardy saqtaugha arnalghan baghyty bolyp qala beretinin atap ótti», - delingen ministrlik aqparatynda.

Syrtqy sayasy vedomstvosynyng basshysy óz sózinde preziydent Toqaevtyng «Halyq ýnine qúlaq asatyn memleket» tújyrymdamasy men adam qúqyqtaryn qorghau, demokratiyalyq qogham qúru bastamalary jәne sayasy reformalar paketi turaly aitqan.

«Atap aitqanda, beybit jiyndar turaly jana zannyng qabyldanuy, jala jabudy qylmystyq sipattan aryltu, qylmystyq kodeksting jekelegen baptaryn izgilendiru, әielder men jastar ýshin 30% saylau kvotasyn engizu, sonday-aq Qazaqstannyng ólim jazasynyng kýshin jong turaly ekinshi Fakulitativtik Hattamasyna qosyluy ózekti jetistikter qatarynda atap ótildi.

M. Tileuberdi Qazaqstannyng beybitshilikti, kelisimdi nyghaytu jәne adamnyng irgeli qúqyqtaryn qamtamasyz etu boyynsha újymdyq jahandyq kýsh-jigerge barynsha ýles qosugha beyildiligin rastady. Osyghan baylanysty ol Qazaqstannyng 2022-2024 jyldargha arnalghan BÚÚ AQK mýsheligine ótinimin jariyalap, onyng halyqaralyq qoghamdastyqtyng tarapynan qoldauyna ýmit bildirdi», - delingen ministrlik aqparatynda.

Ayta keteyik, 12 aqpan kýni BAQ-ta Europarlament deputattarynyng Qazaqstandaghy sayasy jaghdaydy qatang synap, sanksiya engizudi úsynghany habarlanghan bolatyn. Olar Qazaqstanda tәuelsiz úiymdar men sayasy belsendilerge qysym kýsheygenin aityp, «Qazaqstandaghy adam qúqyqtary mәselesine qatysty» arnayy rezolusiya qabyldaghan.

Al 13 aqpanda Qazaqstannyng Syrtqy ister ministrligi Europarlament deputattarynyng búl aitqandaryna jauap berip, synnyng orynsyz ekenin aitty.

«Onda Qazaqstan Respublikasyndaghy adam qúqyqtaryna qatysty ahualgha birjaqty, obektivti emes syn-pikirler bar dep esepteymiz. Bizding pikirimizshe, qarardyng mәtini elimizdegi isterding naqty jaghdayyn búrmalaydy jәne búl destruktiv toptardyng jalghan aqparatyn azyq qylghan bóten niyetti sayasatkerlerding bastamasymen jasalghan», - degen edi SIM-ning resmy ókili Aybek Smadiyarov.

Abai.kz