Elimira Israfilova aqtalyp shyqty!

Elimira Israfilova aqtalyp shyqty!

Byltyr Qazan qalasyndaghy qalalyq kenesting aldynda orystildi oqushylardyng ata-analary mektepte tatar tilin oqytugha qarsy piyket úiymdastyrghan bolatyn. Búny jergilikti TNV telearnasynyng jurnalisteri kelip týsiredi. Olar tatar jastarynyng «Azatlyq» dep atalatyn úiymynyng jetekshisi Nailya Nabiullina men deputat-dramaturg Tufan Minniullinnen oqigha ornynda súhbat alady. Biraq osy kezde «TNV» arnasynyng tilshisi әri jýrgizushi bolyp isteytin Elimira Israfilova piyketke shyqqan shovinisterding arandatuyna úshyraydy. Tilshige jónsiz aiyp taqqandardyng aituynsha, Elimira olargha «eger әldekimge tatar tili únamasa, Tatarstannan kete beruine bolady» degen kórinedi. Piyketshiler bolsa: «Biz osynda tudyq, ata-babalarymyzdy osynda jatyr, qayda ketemiz?» dep jauap qatqan. Tatar tiline qarsylyq jasaghandardyng osy sózine tilshi qyz «búndaghy orystardyng barlyghy basqynshylar» degen synayda jauap bergen. Alangha shyqqan arandatushylar keyin tilshining auzynan «men tatar tili ýshin kez-kelgenning kenirdegin qiigha dayynmyn» sózdi estigenderin aitqan. Osy oqighadan keyin olar «Elimira Israfilovanyng ekstremistik sipattaghy sózderine qarsy» qylmystyq is qozghau turaly polisiyagha aryz jazady. Alayda, jergilikti qúqyq qorghau organdary tilshining sózderinen zangha qayshy keletin ilik tappay, qylmystyq is qozghaudan bas tartqan. Al Israfilovanyng ózi aldyn-ala tergeu barysynda piyketke shyqqandardyng ózine jala japqanyn jetkizgen bolatyn. «Men onday sózder aitqan joqpyn. Daulaspadym, olardyng maqsatyn ghana bilgim keldi. Biraq olargha mening súraghym únamady. Tipti piyketshilerding bireui «tatarskaya morda» dep namysyma tiyetin sóz aitty. Búl sózge jaghamdy ústap qaytyp bara jatqanymda olar artymnan әr nәrseni aityp aighaylaumen boldy» degen edi Elimira Israfilova.

Degenmen jurnalisting múnday sózderdi mәjbýrlikpen aitqanyn mәlimdegen Tatar últshyldary búl iske júmyla kirisip qyzdaryn qorghap qaldy. Mәselen, tatar jastar úiymynyng belsendisi Rushan Gayfullin osy oqighagha bergen baghasynda «Ony tughan tilin qorghaghany ýshin qaralamaq boldy» degen pikir bildirgen...

Sóz sonynda aitarymyz, Ana tili ýshin bir top shovinisterge qarsy shyqqan Sýiinbiykening sinilisining erligi talay Tatardyng namysyn janyp jibergen siyaqty. Tipti búl oqigha tatardyng ghana emes, iysi týrkining ortaq ruhyna da qozghau saldy. Sebebi, Tatar qyzynyng batyldyghyna tamsanghan basqa bauyrlas últtyng  ókilderide osy janjaldyng bas-ayaghynda Elimira Israfilovagha jan-jaqty qoldau kórsetkendigin aita ketu kerek.

Jolymbet Mәkishev

«Abay-aqparat»