Oylanyp jatyrmyn. Osydan bir jyl búryn ómirimiz qanday edi?! Jaybaraqat edik. Uayymsyz edik. Ýreysiz edik. Ómir bolghasyn qiyndyq ta bolatyn, basqa da bolatyn. Biraq, qay mәsele bolsyn әiteuir sheshiletin. Bireuden túmau júqsa, piyazdy qarshyldatyp jep, tamaq auyrsa túzben shaya salyp, ertengi kýnning tirshiligine alqyn-júlqyn kirisip ketushi edik. Býgin qatty ózgerdik. Syrtymyz sol qalpy bolghanmen, jannyng hәlin ainytpay kórsetip túratyn janarymyz ózgerdi. Qarashyghymyzda diril payda boldy. Jýrekting qaghysy ózgerdi, arman-múrattarymyzdyng mazmúny da basqa keyipke endi. Biz ólimning aqiqat ekenin bilip shoshyndyq. Jaqynnyng qadirin bildik. Ómir degen - jinishke jip sekildi ýzile salatyn sonday nәzik qúbylys ekenin týsindik. Bayaghy bir keremet manyzdy bop kóringen mәselelerimiz týkke túrmaytyn nәrse ekenin, talasyp jýrgenimiz boqqa túrmaytyn dýnie ekendigin úghyndyq. Ózgerdik. Adam tanymastay ózgerdik. Ony bәrimiz de sezip-bilip jýrmiz. Biraq, eshkimge aitpaymyz. Óitkeni biz bireuge jan múnyn aitudan, syrlasudan bayaghyda qalghanbyz. Sebebi, «abyroysyz» bop qaludan qorqatyn boldyq. Ósekten, tarap ketetin qazaqtyng «úzyn sózinen» aulaq bolghymyz keledi. Nemese bәri sau, al mening esim aughan ba dep oilaymyz. Ony bireuden súraudan da qashamyz. Eshkimge senbeymiz. Qanqu sóz, bireu turaly taraghan «әshkere janalyqqa» tez senemiz. Menimen emes, ol jaghday «anau onbaghanmen» bolyp jatqanyna quanamyz. Eger jýregimiz qatyp qalmaghanda, myna indet kezinde biz mýmkin bir birimizge tirek bola alatyn ba edik. Meyirimmen búl dertti eritip jiberer me edik. Joq, biz әrqaysymyz myna әlemning aldynda jeke-jeke qaldyq. Jalghyzbyz bәrimiz. Ómirding aldynda da, ólimning aldynda da qaltyrap, jalghyzdan jalghyz túrmyz.

Degenmen ózgerdik. Sebebi ishimizge ýrey shoghy týsip, janymyzben qosyp arymyzdy da shyjghyryp jatyr. Ishimizge týsken senimsizdik bizding qanday әlsiz ekenimizdi, ótirik qoqilanyp jýretinimizdi óz ózimizge әshkerelep bere saldy. Bizding qanday әlsiz jaratyndy ekenimizdi tozanday ghana virus kórsetip berdi. «Jaghajaydaghy Kafka» kitabynda Haruky Murakamiyding aitatyny bar ghoy: «Kýnderding kýninde dauyl tynshidy, al sen sol dauyldyng soyqanyna qalay shydaghanyndy da úmytyp ketesin. Sen tipti onyng bitken-bitpegenin de sezbeuing mýmkin. Biraq bir dýnie anyq: sen ol dauyldan shyqqanda endi eshqashan búrynghy adam bolmaysyn. Dauyldyng mәn-manyzy da sonda» deydi.

Biz býgin búrynghy emes, ózgemiz. Jaqsy jaghyna ózgerdik degen әlsiz senim bar. Ýrey men ýmit qos qol sekildi jýregimizdi úmajdap-úmajdap endigi júmsartqan da shyghar? Mýmkin.

Aqberen Elgezekting jazbasy

Abai.kz