Týrkistanda «Týrkistan - Týrki әlemining besigi» atty týrki elderining jastar kóshbasshylary men belsendilerining Halyqaralyq sammiytining plenarlyq otyrysy ótti.

QR Aqparat jәne qoghamdyq damu ministrligi úiymdastyrghan basqosuda «Týrkistan – Týrki әlemining ruhany astanasy» iydeyasyn ilgeriletu men mәdeny turizm, birlesken jastar lagerlerin úiymdastyru men jastar úiymdarynyng yntymaqtastyghy jәne t. b. baghyttar boyynsha yntymaqtastyq mәseleleri taqylandy.

Qazaqstan Respublikasy Tәuelsizdigining 30 jyldyghyna oraylastyrylghan Sammiyti onlayn jәne oflayn formatta ótip, oghan 300-den astam adam qatysty. Jiynda týrkistildes halyqtarynyng ókilderi sóz sóilep, alqaly sharanyng manyzdylyghyn atap ótti. Forumgha Qazaqstan Respublikasy Parlamenti Senatynyng Tóraghasy Mәulen Áshimbaev viydeo-baylanys rejiymi arqyly qatysyp, qúttyqtau sóz sóiledi.

Óz sózinde Mәulen Áshimbaev Týrkistannyng týrki әlemining tarihynda róli erekshe ekenine nazar audardy. Ol kóne shahardyng qayta týleui tútas týrki әlemi ýshin manyzdy ekenin tilge tiyek etip, múnday qadam ortaq tarihymyzdy saqtaugha jәne týrkitildes halyqtardyng qarym-qatynasyn odan әri nyghaytugha yqpal etetin aitty. Senat Tóraghasy Elbasynyng tarihy sheshimi men Memleket basshysynyng qalanyng damuyna erekshe kónil bóluining arqasynda Týrkistan songhy jyldary zamanaui, kórikti qalagha ainalghanyn atap ótti.

«Qazirgi tanda kóne Týrkistannyng jana beynesi qalyptasuda. Shahardyng osynday jetistigi Qazaqstan Respublikasynyng Túnghysh Preziydenti – Elbasy Núrsúltan Ábishúly Nazarbaevtyng jasampaz sheshimining nәtiyjesi. Osydan ýsh jyl búryn Elbasy Týrkistan oblysyn qúru turaly tarihy Jarlyqqa qol qoyghan edi. Sodan bastap qalanyng ekinshi tynysy ashyldy. Týrkistandy damytu isine Qazaqstan Respublikasynyng Preziydenti Qasym-Jomart Kemelúly Toqaev basa mәn berip keledi. Kóktemde ótken Týrkitildes memleketter basshylarynyng sammiytinde Týrkistannyng «Týrki әlemining ruhany astanasy» bolyp jariyalanuy sonyng jarqyn kórinisi», – dedi Mәulen Áshimbaev.

Jiynda Aqparat jәne qoghamdyq damu ministri Aida Balaeva sóz sóilep, býginde týrkitildes elder arasyndaghy qarym-qatynas belsendi damyp kele jatqanyn atap ótti. Osynday auqymdy júmystardyng ayasynda týrki memleketterining jastary arasyndaghy yntymaqtastyqty nyghaytu mәselesi de basty nazarda ekenin jetkizdi.

"Býgingi jastarymyzdyng ózara yntymaqtastyghy men dostyghy, birikken bastamalary men jobalary – bizding memleketter arasyndaghy baylanysty odan ary nyghaytudyng birden-bir kepili. Jastar sayasatyndaghy yntymaqtastyqty tereng damytu qashanda basty nazarda. Búl maqsatta biz jaqynda Týrkiya memleketimen jastar sayasaty strategiyalyq sessiyasyn ótkizgen bolatynbyz. Nәtiyjesi mol jiynda eki elge ortaq ózekti mәseleler qaralyp, jastardyng resurstyq Ortalyghy volonterlik qozghalys, әleumettik qoldau salalarynda ózara tәjiriybe almasu jóninde kelisimge keldik. Osynday strategiyalyq sessiyalardy qyzyghushylyq tanytqan barlyq týrki memleketterimen birlesip ótkizu aldaghy josparda bar. Sonymen qatar, bauyrlas elderding jastaryna arnalghan Yasauy atyndaghy 50 granttyng bólinui – bilim beru salasyndaghy әriptestikti jana dengeyge kóterip, mәdeni-aghartushylyq kenistikti keneytuge tyng serpin beredi dep senemin. Búl orayda, biz týrki elderining jas ghalymdaryn osy jәne basqa da ghylymy jobalar ayasynda yntymaqtastyq ornatyp, birlese júmys atqarugha shaqyramyz. Búnday qadamdar – jas ghalymdar arqyly ghylymy baylanysty jana dengeyge kóterip, ortaq tarihymyzdyng óz elderimizde keninen nasiattaugha jol ashap edi,- dedi Aida Balaeva.

Jiynda sonymen qatar TÝRKPA Bas hatshysy Altynbek Mamaisupov pen Halyqaralyq týrki akademiyasynyng preziydenti Darhan Qydyrәli jәne týrkitildes elderding birqatar belsendi jastary sóz sóiledi.

Abai.kz