Aughanstan tolyqtay tәlibterding qolyna ótti. Alayda 34 provinsiyanyng ishinde «Talibangha» bas iymegen әli de bir aimaq bar. Ol Pandjsher shatqalynyng many. Pandjsher degende esimizge birden әigili Ahmad Shah Masud týsetini anyq. Kenes әskerimen arystansha alysyp, artynsha tәlibtermen júlysqan Ahmad Shah Masudtyng bekinisi bolghan Pandjsher shatqaly býginde tәlibterge beriluden bas tartuda.

Pandjsher aimaghynda negizinen tәjik últynyng sany basym. 1996-2001 jyldary Aughanstanda tәlibter tolyq basyp alghan sәtte de, atalmysh aimaqqa kiruden iymenip, Pandjsherding qaqpasynan ary aspaghan edi. Endi mine, Taliban biyligin moyyndaudan bas tartqan barlyq kýshter, onyng ishinde qalalardy úryssyz tastaugha mәjbýr bolghan sarbazdar da atalmysh aimaqqa toptasyp jatyr. Qozghaushy kýsh retinde Ahmad Shah Masudtyng úly Ahmad Masud túr. 32 jastaghy Masud tәlibterge qarsy soghysugha shaqyryp otyr. Tipti ýndeu de tastap ýlgerdi.

«Mening әkem, aughan halqynyng batyry Ahmad Shah Masud maghan ýlken múra qaldyrdy, ol múra aughan halqynyng bostandyghy ýshin kýresu joly. Búl endi mening úrysym. Men jәne mening jaqtastarym qanymyzdy tóguge dayynbyz. Biz barlyq tәuelsiz aughan azamatyn, barlyq qúldyqqa qarsy jandardy bizge qosylyp, san qasiretti bastan keshken jerimizdegi eng songhy tәuelsiz aimaq Pandjsherge keluge shaqyramyz. Barlyq aimaq pen barlyq taypanyng úlandaryna aitarym bireu: Bizben birge kýresinder!

Shetelde kýn keship jatqan, biraq jýregi bizben birge soghatyn otandastaryma aitarym, Pandjsherde berilmegen jandar baryn bilinder. Europada, Fransiyada, Amerika men arab elderinde túryp bizge o basta Kenestik otarlaugha, keyin «Talibangha» qarsy kýresimizge demeu bolghandargha aitarym mynau: Qúrmetti mening dostarym, dәl búrynghyday bizge taghy kómektesesinder me? Keybireulerding satqyndyghyna qaramastan, biz әli ózderine senemiz!

Býgin men general de Golli fransuz әskeri tas-talqan bolghanda ne aitqanyn eske alamyn: «Fransiya shayqasta jenildi, biraq soghysta emes». Biz aughan halqy, tipti shayqasta da jenilgen joqpyz, óitkeni Kabul shayqasqan da joq. Múnda, Pandjsher aimaghynda besiktegi baladan enkeygen qartqa deyin qolyna qaru aldy. Bizge ruhany demeu bolyndar nemese qatarymyzgha qosylyndar. Mening azat dostarym, bizding janymyzgha kóptep toptasyndar. Biz jana Aughanstan tarihynyng paraqtaryn birge jazamyz. Ol tiraniyagha qarsy kýresting jana tarauy bolmaq. Úlandar, azat jýrekti erler. Qúdaydyng qoldauymen biz jenemiz!», - dedi ol.

Pandjsherge Ahmad Masud jasaqtarynan bólek, viyse-preziydent Amrulla Salehting jaqtastary da jinalyp jatyr. Beyruttegi Al-Alam arnasynyng habarlauynsha, olar tipti tәlibtermen keskilesken úrysqa týsip, Parvan provinsiyasyndaghy Charikar audanyn azat etip ýlgergen.  Búl aimaq asa manyzdy. Sebebi Charikardaghy Salang tunneli arqyly Kabul men Mazariy-Sharifti qosatyn kýre jol bar.

Pandjsherge shettegi aughan sarbazdarynyng qolbasshysy, general Dustum 10 myng jasaq jibergenin habarlady. Dustum Ózbekstangha ótip ketken bolatyn. Alayda Aughanstanda oghan baghynatyn jaqtastary jeterlik.

Amrulla Saleh preziydent Ashraf Gany taqtan bas tartyp, qashyp ketkendikten, Konstitusiyagha say ózin preziydent retinde jariyalady. «Syrt kýshter menimen qatynas ornatsyn», - deydi ol.

Abai.kz