Qazaqstan Ýkimeti «elektrondy ýkimet» (eGov) platformasyn jasau ýshin Reseyding SBER kompaniyalar tobymen memorandumgha qol qoyghany belgili. Búl kelisimge eki el preziydentterinin, Qasym-Jomart Toqaev pen Vladimir Putinning kózinshe qol qoyylghan.

QR Sifrlyq damu, innovasiya jәne aerogharysh óndirisi ministri Baghdat Musinning ózi mәlimdegen.  «Atameken Business» arnasynyng efiyrinen nege Reseylik kompaniya qyzmetine jýgingenin týsindiruge tyrysqan ministr Musin eki taraptyng qúqyq-qúzyretteri týgel jazylatyn atalghan kelisimge kelesi jyldyng nauryz-sәuir ailarynda qol qoi josparlanghanyn aitqan. Ministrding aituynsha, joba 5 jylgha josparlanghan. Qúny – 500 million dollardy qúraydy. Biz búl turaly Abai.kz aqparattyq portalynda egjey-tegjeyli jazdyq.

Býgin Mәjilis deputaty Erlan Sairov myrza, atalghan mәselege qatysty  ózekti mәselelerdi qamtyp, ministr Baghdat Musinning atyna deputattyq saual qoyypty. Biz deputat saualyn Abai.kz oqyrmandarynyng talqysyna úsynghandy jón kórdik.

Qazaqstan Respublikasynyn
Sifrlyq damu, innovasiya, aerogharysh ónerkәsibi
ministri B.B. Musinge

Qúrmetti Baghdat Batyrbekúly!

Qoghamda eGov portalyn almastyru jәne Reseyding «SBER-imen» osy mәsele boyynsha memorandumgha qol qoy әr-aluan pikir tughyzuda.

Memlekettik qyzmet kórsetuding sandyq tehnologiyagha kóship, osy salanyng shapshaghdyghy artyp, tiyimdiligi artqandyghy dúrys, qúptarlyq qadam.

Sarapshylardyng aituynsha, tehnologiyalyq dәrejesi joghary seriktessiz búl mәseleni sheshu mýmkin emes ekendigin anyq.

Degenmen, qogham ókilderin qazaqstandyqtardyng jeke derekterining saqtaluy men qauipsizdigi mәselesi óte alandatyp otyr.

Býginde, barlyq dengeyde azamattar osy mәseleni qyzu talqylauda.

Nur Otan partiyasy elimizding sifrlandyru salasy memleket damuyna ózining naqty ýlesin qosuy tiyis dep esepteydi!

Osy problemagha baylanysty kelesi súraqtargha jauap beruinizdi ótinemin!

1. Nelikten Qazaqstan Respublikasynyng sandyq transformasiyasy salasyndaghy júmysqa «Sberbank» seriktestigimen memorandumgha qol qoyyldy?

1.1. Nelikten, bank tóraghasy qol qoyghan múnday qújatqa Qazaqstan Respublikasynyng Premier-Ministri qol qoiy tiyis? Ministr nemese «Azamattargha arnalghan Ýkimet» basshysynyng dengeyi emes pe?

2. Osy mәsele boyynsha Qazaqstan Respublikasy seriktes bolu ýshin jahandyq dengeyde liyder iri kompaniyalarmen kelissózder jýrgizildi me?

3. Atalghan joba is-jýzine asqan kezde, aqparattyq qauipsizdik normalary qalay qadaghalanady, azamattardyng derekter bazasy qay jerde saqtalady, búl bazagha shet el azamattarynyng kiru, kóru erkindigi bola ma?

4. Alty jylda memlekettik «Últtyq aqparattyq tehnologiya» AQ 860 mlrd astam qarjy bólingen. Sonymen birge, barlyq memlekettik organdar, kvazy memlekettik sektor, eshqanday qyzmetin kórmesede, osy kompaniyamen kelisim-shartqa otyruy tiyis degen aqparatta bar. Osynshama qarjy bóline otyryp nelikten azamattar syrtqy-ishki qoldanushy retinde, ýzilissiz, kedergisiz júmys isteytin últtyq servis alanyn jasay almadyq ?

5. Arhiv salasyn sifrlandyrugha 1,2 mlrd tenge bólingen eken, osy sharua nege ayaqsyz qalghan, qarjy qayda? Azamattar eng kóp qoldanatyn jerdik kadastr salasy nelikten әli kýnge deyin sifrlandyrylmaghan?

Bizding oiymyzsha, halyq, qogham aldynda sifrovizasiya salasyndaghy janday jóninde esep beretin uaqyt jetti!

Qúrmetpen,
Mәjilis deputaty,
Nur Otan partiyasy Fraksiyasy mýshesi

Erlan Sairov

Abai.kz