Azamat, qazaq jәne sayasatker retinde býgin, 11 qazanda Almatydaghy Almaly audandyq sotynyng "tyiym salynghan úiymdy qúrdy" jәne "onyng isine aralasty" dep aiyptalghan bir emes, 13 azamatqa shygharylghan ýkimine qatysty narazylyghymdy bildiremin!

Tórt azamat 5 jylgha bas bostandyghynan aiyryldy, qalghan toghyz belsendining erkindigi 1 jyldan 2 jylgha deyin shekteldi.
Biylikting Ábilyazovqa degen kózqarasyn bilemiz. Jek kórse, sonymen kýressin. Biraq el ishinde jýrip, biylikke qatysty syny pikir ústanghan adamdardyng ne jazyghy bar?

Eger de olar shyn mәninde konstitusiyalyq talaptardy búzyp, el Tәuelsizdigine, jer tútastyghyna núqsan keltiretin qimyl-әreketke barsa, ony sot ashyq týrde dәleldesin! Onday dәleldi kórip otyrghan joqpyn.
Al XXI ghasyrda oppozisiyalyq oi-pikir bildirgeni ýshin týrmege jabu ne erkindigin shekteu - keshegi qylyshynan qan tamghan Sovet dәuirining atavizmi, avtoritarizm da emes, naghyz totalitarizmning "jarqyn" kórinisi! Múnday, adam qúqy men demokratiya prinsipterin ayaq asty etken solaqay sot ýkimderimen Qazaqstan órkeniyetti elder ortasynan shettetilui de әbden mýmkin!

Qazir biylikke narazy, onyng sayasatyna qarsy adam 13 emes, milliondap sanalady. Onyng bәri belgili sebeptermen óz pikirin ashyq aita almay, ishten tynyp jýr. Olardyng bәrin týrmege jaba almaysyndar!

Ámirjan Qosanov

Abai.kz