Biyl elde kómirding baghasy 5 payyzgha qymbattaghan. ShQO-da baghanyng ósui birden 11 payyzdy qúrasa, al ontýstik ónirlerde 7 payyzgha jetken, dep habarlady qamshy.kz sayty.

Lignit pen kómir konsentratyn qosa alghanda, óndirilgen kómirding kólemi osy jyldyng qantar-qyrkýiek ailarynda 82,1 mln tonnagha ten. Búl – 2020 jylmen salystyrghanda 1,5 payyzgha artyq.

Óndiristing jartysynan kóbi dәstýrli týrde Pavlodar oblysyna (47,9 mln tonna), ýshten biri – Qaraghandy oblysyna (27,7 mln tonna), aitarlyqtay bóligi Shyghys Qazaqstan oblysyna (6 mln tonna) tiyesili.

2021 jyldyng qyrkýiek aiynyng qorytyndysy boyynsha kómir baghasy ortasha eseppen bir jylda 5,1 payyzgha ósken. Sektordaghy baghanyng ósui ekinshi jyl qatarynan bayqalady.

Bagha 17 ónirding 14-inde birshama ósken. Aytalyq, Shyghys Qazaqstan oblysynda (jylyna 10,8%-gha), odan keyin Jambyl jәne Týrkistan oblystarynda (8,6%-gha) kýrt ósken. Tas kómir baghasy tómendegen jalghyz ónir – Batys Qazaqstan oblysy (1%-gha).

Kómirdi arzan baghamen Semeyden (tonnasy 9,8 myng tenge), Qaraghandydan (10,8 myng tenge) jәne Óskemennen (10,9 myng tenge) satyp alugha bolatyn bolsa, Oralda kómirding baghasy tonnasyna 19,3 myng tengedensatylyp jatyr. Tarazda qatty otynnyng tonnasy 15,6 myng tenge, Týrkistanda 15,3 myng tengeni qúraydy.

Abai.kz