Kompaniyada 2003-2014 jәne 2019-2021 jyldary aralyghynda slesari bolyp júmys istegen Aqyljan Qiylbaevtyng Azattyqqa aituynsha, kompaniya onymen qarasha ortasynda kelisim-shartty ýzetinin habarlaghan. Sebebin týsindirmegen.
"Negizi shtatta júmysta bolghanmyn. Kompaniyanyng aityp otyrghany, men songhy eki jylda "synaq retinde" (ispytatelinyy srok) júmys istegen ekenmin. 2020 jyly kelisim-shart merzimi úzartylghan. Mekeme basshylyghy "biyl preziydent sizben enbek kelisim-shartyn búzu jóninde sheshim qabyldady" dedi. "Ne sebepti" dep edim, "sebebin týsindire almaymyn, bastyqtardan súranyz" dedi. Al bastyghyna kireyin desem, meni qabyldamady" dedi Aqyljan Qiylbaev 13 qarashada Azattyq tilshisine.
Onyng sózine qaraghanda, júmysshy shaghymynan keyin kәsipodaq jetekshisi Tólegen Jaynazarov ta kompaniya basshysymen kezdesuge oqtalghan, alayda ony da qabyldamaghan.
Kompaniyanyng júmysshygha bergen habarlamasynda "QR Enbek kodeksinin 30-baby 1-tarmaghynyng 2-tarmaqshasyna, 49-baptyng 2-tarmaghyna jәne 51-baptyng 1-tarmaghyna sәikes, sizben 18 qarasha 2019 jylghy N244/14 jasalghan enbek shartynyng merzimining ayaqtaluyna baylanysty enbek sharty әri qaray sozylmay, búzylatynyn habarlaymyz. Songhy júmys kýni – 18 qarasha" delingen. Oghan óndiris jәne tehnikalyq damu boyynsha viyse-preziydent A.A.Tauasarov qol qoyghan.
Aqyljan Qiylbaev ózining júmyssyz qaluyn jaqynda bolghan ereuildegi belsendiligimen baylanystyrady. "Búghan deyin eshqanday eskertu, pretenziya bolghan joq. Kompaniyanyng ózi júmysshy taba almay jatyr, al meni júmystan shygharyp jatyr. Eger qanday da ereje búzsam, ony moyyndap, shyghar edim" deydi ol.
Kәsipodaq jetekshisi Tólegen Jaynazarov Qiylbaevqa eskertu nemese qanday da bir sógis bolmaghanyn rastaydy. Onyng aituynsha, júmysshylar "búl ereuilden keyingi qysymnyng basy boluy mýmkin, sol sebepti kelesi aptada jinalyp, basshylyqqa kiretinin aityp otyr" dedi.
"Búlar jeke kompaniya bolghandyqtan kimmen istegimiz kelse, sonymen kelisim-shart jasaymyz dep otyr. Al seh bastyghynan eshqanday pretenziya bolmasa, júmysshylardan eshqanday syn-eskertpe bolmasa, sógis nemese qatang sógis berilmese, nege shygharasyzdar dep súrap jatyrmyn. Biraq oghan nazar audaryp jatqan eshkim joq. Olar Enbek kodeksining 56-babyn algha tartyp, júmysshymen júmys istegimiz kelmeydi dep otyr" deydi Tólegen Jaynazarov.
Onyng aituynsha, mekeme basshylyghy "Qiylbaevty ereuilge baylanysty júmystan shyghardy" degen boljamdy joqqa shygharghan.
Kompaniyanyng taghy eki dәnekerleushisi Ghalymjan Ospanov pen Meyrambek Orynbasarov ta qazan aiynyng sonynda basshylyqtyng "júmystan shyghu jóninde aryz jazugha iytermelegenin" aitty. Olardyng sózine qaraghanda, kompaniya ókilderi olardy "bir kýn búryn bolghan keshte ishimdik ishkeni ýshin dәrigerlerge aparyp, qan qúramyndaghy alkogoli mólsherin teksertken".
"Dәrigerler "qannyng qúramynda alkogoliding mólsheri 20 payyz, búl qalypty jaghday. Ne ýshin әkeldinder" dep tanghaldy. Odan keyin bastyqtar bizdi júmys tobyna qospay qoydy. "Sizder bossyzdar" dedi. Eki-ýsh kýnnen keyin ózderimiz aryz jazugha mәjbýr boldyq. Kompaniya basshylyghy shygharam dese, sebebin tabady ghoy" dedi Ghalymjan Ospanov. Olar da múny ereuildegi belsendilikterimen baylanystyrady.
Kompaniyada slesari bolyp júmys isteytin taghy bir júmysshy ózin basqa jaqqa kóshiretini jayly estigen. Ázirge kompaniya basshylyghy jeke shaqyryp, habarlamaghan. Ózi densaulyghyna baylanysty emdelip jýrgenin aitty.
Tólegen Jaynazarovtyng aituynsha, qazir kompaniyadaghy tórt sehtyng ekeui ghana istep túr, bireui "rekonstruksiyagha baylanysty jabylghan, al ekinshisi júmysshylar tapshylyghy saldarynan istemey túr".
13 qarashada Azattyq tilshisi kompaniya basshylyghyna habarlasugha tyrysqanmen jauap ala almady. Qyzylorda oblysynyng enbek salasyndaghy baqylau basqarmasyna da habarlasa almady.
Biyl qyrkýiek aiynda "Araltúzdyn" mynnan astam júmysshysy jalaqyny keminde 50 payyzgha ósirudi talap etken bolatyn. Olardyng sózine qaraghanda, kәsiporyn júmysshylary ortasha eseppen 48 myng tenge (shamamen 110 dollar) jalaqy alady. Ekologiyalyq jarnany qosqanda aiyna 80 myng tenge (shamamen 185 dollar) shyghady. "Qymbatshylyq jaghdayynda búl eshtenege jetpeydi" dep shaghymdanghan edi. On kýnnen song kompaniya basshylyghy olardyng talaptaryn ishinara oryndaugha kelisip, júmysshylar júmysqa shyqqan.
Júmysshylardyng sózine qaraghanda, sodan beri olardyng jalaqysyna keminde 15 myng tenge qosylghan.
"Araltúz" aksionerlik qoghamy túz óndiru jәne qayta óndeu salasyndaghy iri kәsiporyn. Kompaniya mәlimetine qaraghanda, jylyna 450 myng tonnagha juyq túz óndirip, onyng 75 payyzyn Resey, Qyrghyzstan, Ózbekstan, Ukrainagha eksporttaydy. 1200-den asa qyzmetkeri bar.
Abai.kz
