Ókinishke qaray, Reseyde osylay oilay alatyn adamdardyng sany onsha kóp emes. Jetkilikti emes. Resey ýshinshi dýniyejýzilik soghysty bastap ketuge dayyn túr. Qaytkende soghan sebepker bolatyny anyq.
"Soghys bola ma, joq pa" dep emes, ol qashan bolady dep oilanatyn kez keldi.

Putin "tizerlep túrghan Reseydi kóterdi" dep úrandap jatqan Məskeuding esalang propagandasy óz elin qúrdymgha apara jatyr, últtyq katastrofagha jetelep barady. Reseyding ýgit-nasihat salasy kimder qolynda ekenin eskersek, osy bir-eki últtyng ókilderi jýrgizip jatqan sayasat qantógissiz ayaqtalmaytyny anyq.

Orystyng tauday ósken baghy bayansyz bolyp, alda ony týpsiz shynyrauday sory kýtip túr.

Orysty, jalpy reseylikterdi "syrtqy jaumen" ghana emes, ishki "jaularmen" de, yaghny barlyq orys emes últtarmen arazdastyryp, soghystyrugha asyghys dayarlap jatyr. Reseyding kýni sanauly ekenin osydan biluge bolady.
Kino men televizor tərbiyelegen impershil orystar is nasyrgha shapsa qauqar kórsete ala ma? Qaranghy halyqtyng kózi ashylyp jatyr, az últtar ósti, əlsiz últtar kýsheydi, alauyz bolghan júrttar yntymaqtasyp jatyr.

"Orys əleminin" basqynshylyq qaupi býkil əlemning ortaq problemasyna ainaldy. Onyng sheshu joldary tarylghany ras. Býgingi barlyq faktor əlemning ýlken soghysqa tabandap, jaqyn qalghanyn kórsetip otyr. Ishten de, syrttan da birdey úrghan soqqyny Resey imperiyasy kótere almaydy.

Soghys bolmasa eken, tynyshtyq kerek dep qanshama tilesek te, Reseyding eng jaqyn túrghan kónbis kórshisi retinde, jaulap alugha kózdegen bir nysanasy retinde bola túryp, bizding soghys órtinen aman qaluymyz neghaybyl.
Beybitshilik kerek bolsa aldymen soghysqa dayyndal degen asyl qaghida bar. Qamdan qazaq!

Aqan Jaqyp

Abai.kz