Narazylyqqa Qaraghandy, Qyzylorda taghy basqa da respublika aimaqtarynan jinalghan 20 shaqty adam shyqqan. Olar mýgedekter qúqyghy búzylghany turaly Europarlamentke ýndeu joldaghan. Jinalghandar QR Ishki ister, Densaulyq saqtau, Enbek jәne halyqty әleumettik qorghau ministrlerine jaza qoldanudy talap etti.

Narazylyqqa shyqqan adamdardyng birneshe shaghymy bar :

Mýmkindigi shekteuli jandardyng jәrdemaqysyn kóteru;

Medisinalyq kómek kórsetpegeni ýshin ministrlerge sanksiya salu;

Qymbat dәri-dәrmek satyp alugha mәjbýrlikti joi siyaqty negizgi talaptaryn qoyyp otyr.

Qazaq zaghiptar qoghamynyng ókilderi úiymda memlekettik tekseris júmystary jýrgizu kerek dep sanaydy.

«Bizdin, zaghiptardyng esebinen, ol memleketten memlekettik satyp alu týrinde aqsha alyp, ózin bayytady, biraq qarapayym mýsheleri sonyng saldarynan tolyqtay aqshalaryn ala almaydy» dep jauap bergen narazylyqqa shyqqanderdyng biri.

Sheru ishinde jýrgen eks-deputat Núrjan Áltaev búryn mansaby barda nege mýgedektigi bar jandargha kómektese almaghanyn aitty

«Ayqyn shekara bar: bir viyse-ministr ekinshi viyse-ministrding júmysyna aralasa almaydy. Ol tek óz baghytyna jauap beredi. Biraq men Svetlana Jaqypovagha mýgedekterdi qoldau turaly úsynystarymdy ýnemi aityp jýrdim, biraq olar eskerilmedi» dedi ol, ózining әleumettik mәselemen emes, tek enbek salasyna jauapty bolghanyn aiqyndap.

Narazylyq bildirushiler deputattardyng syrtqa shyghuyn talap etse de ,  deputattar shyqpaghan. Ákimdik qyzmetkerleri sheruding zansyz ekenin aityp, olargha Europarlamentpen baylanysudy súraghan. Alayda olar bergen nómirge baylanysu mýmkin bolmady.

Aqyrynda jinalghan qauym ótinishterin elektrondy týrde beruge kelisken.

Abai.kz