Jalpy otyrysta Mәjilis deputaty Dýisenbay Túrghanov medisinalyq qaldyqtardy jónge salmau qazaqstandyqtardyng densaulyghy men qorshaghan ortagha aitarlyqtay qauip tóndiretinin aitty. Búl turaly mәjilismen elimizding Premier-Ministrining birinshi orynbasary Roman Sklyardyng atyna joldaghan deputattyq saualynda kóterdi.

D.Túrghanovtyng aituynsha, medisinalyq qaldyqtardyng ósu problemasy, әsirese, býginde koronavirustyq pandemiya kezinde, sonyng ishinde, elimiz ýshin óte ózekti. Mәjilismen atap ótkendey, medisinalyq qaldyqtarmen dúrys júmys istemeu halyqty infeksiya júqtyru qaupine úshyratady. Bir ret qoldanylatyn shpristerdi, tamyzghyshtardy, tanghyshtardy dezinfeksiyalau rejiymining búzyluyna baylanysty jii dezinfeksiyalanbaghan qaldyq medisinalyq mekemelerding qoqys konteynerlerine tastalady, búl odan әri әrtýrli infeksiyalardyng payda bolu jәne taralu qaupin tudyrady.

Sonymen qatar, deputat medisinalyq qaldyqtardy óndeu jәne kәdege jaratu qorshaghan ortagha patogendi nemese uly lastaushy zattardy shygharu arqyly janama týrde densaulyqqa qauip tóndirui mýmkin ekenin aitty.

Mysal retinde, Mәjilis deputaty Atyraudaghy túrmystyq qatty qaldyqtar poligonynyng artynda qorshalghan jeke aumaqty anyqtaghan «Atameken Eko» qoghamdyq qorynyng bir top tabighat qorghau belsendilerining ýndeuin keltirdi.

Búl jalghyz jaghday emes – múnday mәseleler deputattar tarapynan birneshe ret kóterilgen.

D.Túrghanovtyng aituynsha, Densaulyq saqtau jәne Ekologiya, geologiya jәne tabighy resurstar ministrlikteri tarapynan jasalyp jatqan sharalar jetkiliksiz ekeni anyq. Atap aitqanda, sapasyz kәdege jaratu sebepterining biri atalghan qyzmetterdi liysenziyalaugha jatatyn qyzmet týrlerining tizbesinen alyp tastau bolyp tabylatyny. Alayda ministrlik әli zannamagha tiyisti ózgerister engizuge bastama kótergen joq. D.Túrghanovtyng aituynsha, múnday kәsiporyndargha Ekologiyalyq kodekske sәikes belgili bir talaptar qoyyluy tiyis. Búl jinaqtau shekteuleri, qorshaghan ortagha emissiyalargha rúqsat jәne arnayy qondyrghylardyng boluy.

– Búl talaptar oryndalyp jatyr ma, ony kim baqylaydy? Qayta óndeu qyzmetin úsynatyn kompaniyalarda múnday qondyrghylar bar ma jәne olar qajetti talaptargha say ma? Medisinalyq qaldyqtardy kәdege jaratu erejelerin búzghany ýshin qoldanylatyn jazalar qanshalyqty tiyimdi? – dep,  otyrysta deputat saualdaryn qoydy.

D.Túrghanovtyng aituynsha, mәseleni «qolmen basqaru» rejiyminde sheshu mýmkin emes – keshendi tәsil qajet.

Osyghan baylanysty Mәjilismen medisinalyq qaldyqtardy kәdege jaratu boyynsha qyzmet kórsetetin kәsiporyndardyng qyzmetine baqylaudy kýsheytu, naqty standarttar әzirleu arqyly qajetti qúral-jabdyqtardy kәdege jaratu boyynsha qyzmet kórsetetin kәsiporyndargha qoyylatyn talaptardy kýsheytu, sonday-aq qajetti qújattardy әzirleu qajet dep sanaydy.

Abai.kz