Qazaq kóshining taghdyryna qatysty Zandy Koloda men Platonov, Nabiyev pen Hamedov emes, Janbyrshin men Dýisembinov, Sairov pen Sarymdar talqylauy kerek!

QR Parlamenti Mәjilisinin
tóraghasy E.J. Qoshanovqa!

Qúrmetti Erlan Jahanúly!

«Halyqtyng kóshi-qony turaly» zanynyng 1997 jyly Tәuelsiz Qazaqstannyng tarihynda túnghysh ret qazaq tinde qabyldanghan jalghyz Zang ekenin jaqsy bilesiz dep oilaymyn.

Kóshi-qon prosesterin retteuge arnalghan Zang jobasy Mәjilis talqysyna týsip, býgin Júmys tobynyng birinshi otyrysy ótti.  Janylmasam, atalghan Zang jobasyna osymen segizinshi ret ózgertuler men tolyqtyrular engizilmek.

Men osy salamen ýzdiksiz ainalysyp kele jatqan tәjiriybeli maman retinde 2015 jyldan beri Júmys tobynyng qúramynda bolyp, deputattargha kómektesip kelemin. Osy barysta, Kóshi-qon prosesterin retteuge arnalghan Zang jobasynda aitarlyqtay sapaly ózgeris bolghanyn biylik te júrt ta jaqsy biledi.

Mine, búl joly taghy da qatysyp otyrmyn.

Qazirgi talqylanyp otyrghan Zang jobasyna qarasaq, búl joba Qazaq kóshining qarqynyn ýdetuden góri, basugha arnalghany kórinip túr. Búl jolghy úsynylghan joba osy beti qabyldanyp ketse, qandastarymyzdyng qújattanuy jenildeuding ornyna, tipti qiynday týspek.

Sebebi, anyqtama talap etetin normalar kóptep engizilgen. Búryn túraqty tirkeuge túru ýshin, qandastarymyzdan qylmysy ýshin alynbaghan nemese joyylmaghan sottalghandyghynyng bar nemese joqtyghyn dәleldeu ýshin ANYQTAMA talap etilip kelgen bolsa, endi «ózi azamaty bolyp tabylatyn jәne túratyn elding aumaghynda kәmeletke tolmaghandargha qatysty seksualdyq sipattaghy qylmys jasaghany ýshin sottylyghynyn» bar nemese joqtyghyn dәleldeytin taghy bir ANYQTAMA qosylmaq.

Sonday-aq, búl jolghy Zang jobasynda Mәjilisting Zannama bólimining tehnikalyq týzetulerinen ózge qandastarymyzgha jenildik әkele qoyatyn janalyqtardyng joq ekendigin de bayqadyq.

Preziydent Qasym-Jomart Toqaev «Qasiretti qantar» oqighasynan keyingi parlament mәjilisining plenarlyq otyrysynda sóilegen sózinde: «Kóshi-qon, sonyng ishinde, ishki kóshi-qon salasyn tәrtipke keltiretin kez keldi» degende, dәl osynday qatang zang qabyldandar demese kerek!

Qayta, kóshi-qongha qatysty zandar men normativtik qújattar osy jolghy talqylauda Timur Qúlybaev pen Kәrim Mәsimov qaskónemdikpen engizip ketken kedergilerden aryluy tiyis!

Áriyne, búl mәselege baylanysty óz pikirimizdi aittyq. Atalghan norma kelesi joly taghy qaralatyn boldy. Búdan bólek, óz úsynystarymyzdy deputat Edil Janbyrshiyn, Berik Ábdighaliyúly jәne Júldyz Sýleymenovalargha  berip qoydyq. Ol úsynystar osy deputattar tarapynan aldaghy jerde talqygha salynady dep senemin.

Negizgi aitayyn degenim búl ghana emes, mening qarnymdy ashyryp, qadirimdi qashyrghan — Júmys tobynyng qúramy!

Kezektegi Júmys tobynyng qúramynda KOLODA Dmitriy Vladimirovich, PLATONOV Artur Stanislavovich, NABIYEV Vakili Guseynovich jәne HAMEDOV Abilfas Muslimovichter bar eken.

Osy kisilerding kóniline qarady ma, әlde ózi qazaq tiline shorqaq pa, әiteu Júmys tobynyng jetekshisi Erlan Valerievich otyrysty bastan-ayaq ORYS TILINDE jýrgizdi.

Men jogharydaghy deputattardyng bedeli men biliktiligine shek keltiruden aulaqpyn.

Biraq, Qazaq kóshining taghdyryna qatysty zannnyng talqylauyna Koloda men Platonov, Nabiyev pen Hamedov emes, Edil Janbyrshin men Dýisenbinov, Sairov pen Sarymdar qatysyp, otyrysty taza QAZAQ TILINDE jýrgizilui kerek dep esepteymin!

Qúrmetti Erlan Jahanúly!

Sizding Mәjilis tóraghasy retinde býgin aitqan, «Qoghamnyng ýnin estip, halyqtyng tilin týsinu jәne der kezinde sharalar qabyldau – kez kelgen kelensizdikting aldyn aludyng negizgi alghysharty...» degen sóziniz bizding qúlaghymyzgha mayday jaqty.

Sol ýshin, Sizden alda qandastarymyzdyng qújattanuy kezinde taghy qaytalanuy mýmkin kelensizdikterding aldyn alu ýshin, atalghan Jang jobasyn talqylamas búryn halyqtyng talqysyna bir mәrte saludy, sonday-aq Júmys tobynyng jetekshisimen qosa, qúramyn da kelesi otyrysqa deyin tolyq auystyryp, talqylaudyng memlekettik tilde jýrgiziluin qamtamasyz etip beruinizdi súraymyn.

Auyt Múqiybek

Abai.kz