Resey әskeri Ukrainagha basyp kirdi. Bir kýn ishinde әlem elderi de, Ukraina da, tipti Resey de ýlken ózgeriske úshyrady.

Resey basshysy Putinning ýndeuinen keyin, Resey әskeri Ukraina aumaghyna shabuyl jasady. Ukraina uaqyty boyynsha tanghy saghat 05:00-de Mәskeu zymyrandarmen Ukrainanyng әskery qoymalaryn, әuejaylar men әskery beketterdi atqylady.

Kiyev qorghanysqa kóshti. Resey әskeri tórt baghyttan soqqy jasady. Shyghysynda basqynshylar qolyndaghy Lugansk pen Donesk sodyrlary men Resey әskeri Ukraina әskery beketterin birlese artilleriyalyq soqqy astyna aldy. Ontýstik baghytta basqynshy qolyndaghy Qyrymnan Resey әskeri shabuylgha shyqty, al Qara Tenizdegi Resey floty Ukraina porttaryna soqqy berdi. Soltýstik baghytta Belarusi aumaghynan Resey úshaqtary men tikúshaqtary Ukraina aumaghyna kirse, Batysta separatistik Pridnestrovie zymyranmen Kiyev manyn atqylady. Bir sәtte Ukrainanyng kóptegen qalalary oq pen ottyng astynda qaldy. Ukraina әskeri esin tez jiyp, qarsy soqqy jasaugha jәne qorghanysty tiyimdi etu tәsilderine kóshti.

Alghashqy kýni Resey әskeri Harikov manynda ýlken shyghyngha úshyrap, sheginuge mәjbýr boldy. Kiyev oblysy ýshin shayqas bolyp jatyr. Gostomeli men Sumy qalasy ýshin qiyan-keski shayqastar jalghasuda. Resey әskeri Kiyevke zymyran soqqylaryn jasady. Pentagonnyng mәlimeti boyynsha bir kýnning ishinde Ukraina jerine 160 zymyran atylghan.

Zelenskiy jappay mobilizasiya jariyalady. Jana ereje boyynsha qolyna qaru ústay alatyn 18-60 jas aralyghyndaghy erlerding barlyghy derlik soghysqa qatysuy mýmkin. Olardyng elden shyghuyna tyiym salynghan.

Soghys shyghynyna qatysty alghashqy mәlimetter payda boldy. Ukraina 137 sarbazynan aiyryldy. 316 sarbaz auyr jaralanghan. Resey әskerining de shyghyny orasan. Ukraina Qorghanys ministrligining mәlimetinshe Resey bir kýnning ishinde 30 tank, 130 brondalghan kólik, 6 tikúshaq pen 5 úshaghynan aiyrylghan. Adamy shyghyny 450-800 arasynda.

Resey agressiyasyna qarsy әlem birlese ýn qatuda. Tipti Reseyding ózinde de soghysqa qarsy sheruler ótip jatyr. Reseyding 24 qalasynda ótken sherulerde 1800 adam ústalghan.

Europa elderi men AQSh Ukrainagha әskery kómek kórsetu, qarjylay demeushilik jasau jәne Reseydi ekonomikalyq túrghydan qyspaqqa alu jaghyn iske asyruda. Ukrainagha kómek retinde Polisha 1 mlrd dollar, al Fransiya 1,2 mlrd euro qarjy bermek. Sonymen qatar әskery kómek retinde qaru-jaraq ta jetkiziletin bolady.

AQSh, Úlybritaniya, EO elderi Reseyge auyr sanksiyalar saldy. AQSh Resey bankterining 70 payyzyna sanksiya salyp, Reseydi joghary tehnologiya iyemdenu qúqyghynan aiyrdy. Sonymen birge keme jasau tehnologiyalaryn bermeytin boldy. Gharysh kenistigin birlese iygeru jobasynan aiyrdy. Úlybritaniya da AQSh sanksiyalaryn qoldap, ózindik sanksiyalar engizdi. Sanksiya Ontýstik Koreya men Japoniya da salu mýmkindigin qarastyryp jatyr. Baydenning sózinshe «Reseyge qarsy әlemning ýshten bir bóligi birlesken sanksiya engizudi qarastyruda». Boris Djonson Resey ekonomikasyn qúldyratpay tynbaytynyn aitty.

Al Resey býgin Ukrainagha shabuylyn ýdetti. Dәp qazirgi sәtte Kiyevti zymyranmen atqylap jatyr.

Abai.kz