Qalay desek te, Ukraina-Resey soghysyna ainalyp kele beremiz, sebebi bizder – qazaqtar ýshin býginde búdan ótken manyzdy taqyryp joq. Shyndyghy kerek, ukraindar bizder ýshin de, bizding bolashaghymyz ýshin de soghysyp jatyr. Ókinishke oray, kóp qazaghymyz basqynshynyng sózin sóilep, solardy jaqtap, ólip jýr. «Dýniyede eng әdil bólingen nәrse – aqyl» dep tegin aitylmaghan, bәri ózin aqyldy sanaydy, jón sóz aitsan, seni jau kóredi.

Polisha

Sonymen Resey Polishagha shabuyl jasauy mýmkin be? Sonday oiy bary ras. Nege? Sebebi:

1) Polisha Ukrainagha Batys qaruyn tasymaldaytyn habqa ainalghan, barlyq qaru týrleri Polisha arqyly jetkizilip jatyr. Keshe AQSh-tan Ukraina ýshin «S-5 Galaxy» úshaghymen kezekti qaru jetkizildi. Ne qaru? Qúpiya. Biraq әlgi úshaqtyng ýlkendigi sonshalyqty, ukraindyq «Mriyadan» sәl ghana kishi. Onyng qasynda qazirgi úshaqtar balanyng oiynshyghy siyaqty.

2) Putin qalay da NATO-ny soghysqa tartqysy keledi. Sonda onyng taktikalyq yadrolyq qarudy qoldanugha mýmkindigi tuady.

3) Kaliningrad oblysyna tura jol tartamyz degen syltaulary bar.

Múnday jaghdayda NATO soghysqa kirise me? Mýmkin. Biraq Bayden eger NATO-nyng bir mýshesi óz betimen soghysam dese, biz qarsy bolmaymyz dep ne ýshin aitty? Yaghni, soghyspauymyz da mýmkin degeni me? Ne de bolsa, mәsele ertengi (24 nauryz – Red.) ýlken sammitte sheshilui kerek.

Qytay

Bayden Shyjynpinmen sóileskennen keyin, Qytay RF-gha qanday da bolsyn qaru-jaraq beruden bas tartty. Yaghni, Qytay tarapynan RF-gha eshqanday kómek bolmaydy. Nýkte.

Qazaqstan

Ukraindyq dostarym jekege jazyp, qayta-qayta Qazaqstan әsker jibere me dep súraydy. Joq desem, seninkiremey, sonday aqparat bar deydi. Búl jerde ózbekter siyaqty naqty jauap beruge basshylyqtyng «júmyrtqasy» bolat temirden bolmaghandyghy kedergi bolyp otyr. Qazirgi jaghday «diplomatiyalyq mәimónkelikti» emes, temirdey júmyrtqanyng boluyn әldeqashan tilep otyr. Eger qazaq әskeri ukraindar jerine ayaq bassa, eshkimdi de ayamaymyz, qyryp salamyz deydi olar. Jәne onysy ras ta.

Belarusi

Putin men Lukashenko qanshama iytermelese de, Belarusi soghysqa kire me? Kirse – Ukraina olardy da qyryp salatyndyghy ayan. Áskeri de, jalpy halqynyng 90%-y da soghysqa qarsy. Endeshe әzirge tap basyp aitu qiyn. Bizdinshe, eki halyqtyng búrynghysha syilas kýilerinde qala bergeni jaqsy, al RF sózsiz taraydy, Putin ketedi nemese ketiredi.

Resey

Oylap qaranyzshy, kóp úzamay RF degen memleket jer betinen joq bolady, sebebi Batys aldyna sonday maqsat qoyyp otyr! Soghyspen bolmasa da, ekonomikalyq әdistermen. Ony qútqaram deu – bos әureshilik, ózimizdi su iyirimining túnghiyq týbine tartyp ketedi. Sondyqtan iyirimning jaghalauynan mýmkindiginshe alysyraq túru kerek. Sony týsinuge qanshalyqty aqyl kerek? Kózben kórip túrghan nәrseni? Sony da týsinbese, biz bilmedik, ondaylar auruhanagha jatu kerek shyghar.

AQSh

​AQSh RF-gha 117 mln dollar bólip, onyng Batys aksionerlerining aldyndaghy prosentterin jabugha mýmkindik tughyzghan. Búl qalay deysizder ghoy?

Búl jerde birneshe maqsat bar siyaqty. Birinshiden, RF-da defolt bola ma, bolmay ma – onyng kilti AQSh-ta ekendigin kórsetu. Eger qalasa, kez kelgen uaqytta RF-ny defoltqa jibere alady, ayaushylyq tanytsa, kishkene ústay túrady degendey. Uaqyty keldi dep eseptese – «shesti sekund» degen sóz.

Ekinshiden, ol prosentter bәribir sol Batystyng ózine qaytyp keletin aqsha.

Ýshinshiden, RF-nyng Batys bankterinde búghattalghan 300 mlrd dollarynyng qasynda 117 mln degen ne, tәiiri?! Tenizdegi tamshyday ghana aqsha ghoy.

Jalpy AQSh-tyng sayasaty mynaghan sayady eken – sanksiyalar әli óz kýshine minip, tolyq júmys jasay bastaghan joq. Al defolt degenimiz tabyttyng qaqpaghy ispetti, bәri bitkennen keyin, qaqpaghyn jauyp, nәn shegemen shegelep tastau ghana qalady.

Eng aldymen mekemeler men óndiris oryndary jabyluy kerek. Adamdar jappay júmyssyz qaluy kerek. Bankiler birinen song biri bankrotqa ketui kerek. Aldymen qarjy birjasy qúrdymgha ketui kerek (ashylghannan keyin). Bylaysha aitqanda, RF atty korabli sugha kete bastauy kerek. Sol kezde baryp, ony terenirek batyru ýshin, ýstine kranmen nәn temir-beton blokty qoya qon kerek. Mine, defolt degenimiz sol.

Eger defolt qazir bastalsa, kemening sugha ketu prosesi bastalyp ketedi de, olar tez beyimdelip ýlgerui de mýmkin eken, sondyqtan jaghday birtindep ushyghyp, defolttan qútylyp ketetindey illuziya payda bolyp, ózderin-ózderi aldarqata túrsyn degen strategiya. Tipti taghy bir-eki ay prosent tóleuge aqsha berui de ghajap emes.

Bastysy – jәy da bolsa jaghdayyn birte-birte qiyndata beru. Týpki maqsat – RF-ny ekonomikalyq jaghynan tas-talqan qylyp ydyratyp, jer betinen joq etu. Bayden svifti japqanda, búl әli «svetochkiy», qyzyqtyng kókesi alda dep beker aitqan joq. Qayda asyghady olar – uaqyt solargha júmys jasaydy. Jәy aitqangha týsinbeydi eken orekender, endeshe mә, eskerttik, endi ókpelemender dep otyr Batys.

Endi osyny dúrys týsinip, soghan say óz strategiyasyn jasaqtaytyn qazaq ýkimeti bolsa, kәni?..

Quanysh Edilhantegi

Abai.kz