"Núr-Súltan әlemning basqa elderi siyaqty Ukrainanyng aumaqtyq tútastyghyn qúrmetteydi." Qazaqstan preziydenti Qasym-Jomart Toqaev amerikalyq National Interest jurnalynyng vebsaytynda jaryq kórgen maqalasynda Ukrainadaghy soghysqa qatysty osylay dedi.

"Qazaqstan men Resey әlemdegi eng úzyn shekarasy bar elder retinde erekshe qarym-qatynas jasap keledi. Búghan qosa Ukrainamen de jaqyn dostyq qarym-qatynas bar. Biz әlemning basym bóligindegi elder siyaqty Ukrainanyng aumaqtyq tútastyghyn qoldaymyz" dep jazdy Toqaev.

Qazaqstan preziydenti Reseyding Ukrainagha basyp kirgenin "soghys" dep sipattady. Kremli Reseyding ishinde soghys degen sózdi qoldanugha tyiym salyp, Ukrainagha basqynshylyghyn "arnayy әskery operasiya" dep ataydy.

Búghan qosa Toqaev qaqtyghysty BÚÚ jarghysyna say retteuge ýndeydi әri eki el preziydentterin kezdesip, mәseleni beybit jolmen sheshuge shaqyrdy.

Eki jyl búryn Toqaev Deutsche Welle jurnaliysine bergen súhbatynda Qyrymgha qatysty "anneksiya" sózin paydalanu tym auyr degen edi. Osy sózinen song ol elde jәne shetelde syngha qalghan.

Mәskeuding odaqtasy sanalatyn Qazaqstan BÚÚ Bas assambleyasynyng Reseyding basqynshylyghyn aiyptaytyn qararyna dauys bergende qalys qalghan edi. 5 sәuirde Qazaqstan syrtqy ister ministri Múhtar Tileuberdi Azattyq tilshisine "qalys qalu da pozisiya", "biz últtyq mýddemizdi eskere otyryp dauys berdik" dedi.

Toqaev maqalasynda Qazaqstandaghy sayasy jaghdaylar jayly da jazyp, "eldegi jýie búryn bolghanday belgili bir adamdar tobyna emes, býkil halyq ýshin júmys isteui kerek" dedi әri Qazaqstanda "sayasy biylik qayta tenestirilip", el "superpreziydenttikten" "normativti preziydenttik" jýiege ótedi dep sendirdi.

Qazaqstan preziydenti alda parlamentti kýsheytu ýshin konstitusiyalyq ózgerister bolatynyn da menzedi. Biylghy qantar oqighasynan song syngha qalghan Qazaqstan preziydenti 16 nauryzdaghy joldauynda sayasy reformalar bolady dep uәde etken.

Sarapshylar Toqaevtyng "superpreziydenttikten bas tartu" bastamasyn kosmetikalyq ózgeris dep sanaydy jәne avtoritar basqaru jýiesi sol qalpy saqtalady dep boljaydy.

Abai.kz