Elimizding birqatar ónirlerin su basu qaupi әli de seyilmey túr. Osyghan oray Mәjilis deputattary aimaqtargha issapargha shyghyp, su apatynan zardap shekken túrghyndarmen kezdesude. Deputattar memleket tarapynan kómek kórsetiletinin aityp,  mәselelerdi ózderining jiti baqylauynda ústaytynyn jetkizdi.

Atap aitqanda, Mәjilis deputattary Qúlshar Mәlik pen Snejanna Imasheva  Batys Qazaqstan oblysyna baryp, su tasqynynan zardap shekken audan túrghyndarymen kezdesti.

Mәlik Qúlshar Qaratóbe audanyndaghy Shalghyn auylynda balalardyng oquy úiymdastyrylghan auyldyq klubta múghalimdermen tildesip, mәn-jaydy talqylady.

Negizgi mektepting ghimaratyna su kirip, bólmelerding ortasy qúlaghan. Qazir oqushylar uaqytsha Auyldyq klubta bilim aluda. Auyldaghy 45 ýiding 29-na su kirgen, 23-i túrugha kelmeydi. Auyl túrghyndary su kirmegen ýilerge, 3-4 janúyadan bólinip ornalasqan. Qúlaghaly túrghan ýilerdi saraptau jónindegi komissiya júmys isteude. Auyl halqy eshqayda kóshpey, jana mektep te, ýiler de osy auylgha salynsa degen ótinishterin jetkizdi, – dedi deputat.

Sonday-aq audanda tótenshe jaghday jariyalanghandyqtan eshqanday konkurssyz qarjy qarastyru mýmkindigi bar ekenin aityp, qúrylghan komissiyanyng sheshimimen apatty jaghdaydaghy mektep ornyna 60 oryndyq bilim ordasynyng qúrylysy bastalatynyn jetkizdi.

Sapar barysynda deputattar jergilikti biylik ókilderimen birge oblystaghy Bórli audany Qyzyltal auylyndaghy su tasqynynan zardap shekken ýilerdi aralady. Aldaghy uaqytta su tasqynynan qorghanu ýshin arnayy nysan salu josparlanyp otyr.

Al Pavlodar oblysynda Mәjilis deputattary Aygýl Núrkina men Vera Kim Rojdestvenko auylynda su tasqynynan zardap shekken otbasylarymen kezdesip, olargha «AMANAT» partiyasynyng atynan túrmystyq tehnika, azyq-týlik, basqa da kerek-jaraqtarmen kómektesti.

– Biz әrdayym monitoring jasap otyrmyz. Býgin óz kózimizben kóruge keldik. Bayqaghanymyzday jaghday túraqtaldy. Endigi basty mәsele – tiyisti kómek kórsetu. Apat saldaryn anyqtap, tiyisti sharalardy qolgha alu», – dedi Aygýl Núrkina.

Mamandardyng aituynsha, su tasqynynyng oryn aluyna arnayy bógetterding joqtyghy sebep bolyp otyr.

Deputattar su tasqyny mәselesi jiti baqylauda bolatynyn aitty. Qajet bolghan jaghdayda zannamagha da ózgeris engizilui mýmkin.

Jalpy Rojdestvenko auylynda 30-gha juyq ýy erigen qar suynan zardap shekti. Osynyng saldarynan audanda tótenshe jaghday jariyalanyp,  100-ge tarta túrghyn qauipsiz jerge kóshirilidi.

Mәjilis deputattary Amanghaly Berdalin men Ghalymjan Eleuov Aqtóbe oblysy Qobda jәne Oiyl audandaryndaghy su basu qaupi bar eldi mekenderdi aralap, tabighy apattyng aldyn alu sharalarymen tanysty.

Qobda audanynda su tasqynynan birneshe әleumettik nysan, sport kesheni men shaghyn jәne orta biznes ghimarattary zardab shekken. Jaryq auylynda suarmaly jerlerdi su bassa, Egindibúlaq auylynda su tasqynynan keyingi jol qalpyna keltirilude.

Odan әri deputattar Oiyl audanyna bardy. Múnda Saraljyn auyldyq okruginde bolyp, Orta-Qiyl-Tassay su jýiesin baqylady. Qazirgi tanda okrug boyynsha 5600 gektar limandy alqapqa su shyghyp otyr. Byltyrghy jyly jóndeuden ótken su jýieleri qazir tasqyn sudy ústaugha septigin tiygizude.

Deputatardyng ónirlerdegi sapary odan әri de jalghasuda.

Abai.kz