Qazaqstanda satylatyn Reseyden әkelingen siyr etining konservileri men jartylay ystalghan "Musulimanskaya" shújyqtarynan shoshqa DNQ-sy tabyldy. Búl turaly Tengrinews.kz-ke silteme jasap Abai.kz habarlaydy.

Zertteu nәtiyjelerin Soltýstik Qazaqstan oblysy boyynsha Densaulyq saqtau ministrligining SEBK "Últtyq saraptama ortalyghy" bólisken.

Nauryzda halyq tútynatyn tauarlardyng sapasyna monitoring jýrgizu ayasynda Soltýstik Qazaqstan oblysy boyynsha Sanitarlyq-epiydemiologiyalyq baqylau departamenti 38 et synamasyn satyp alghany atap ótildi.

"Zertteu nәtiyjesinde siyr eti konservilerining eki ýlgisi jәne shújyq ónimderining bir ýlgisi qúramyna sәikes emes bolyp shyqty: "Musulimanskaya" jartylay ystalghan shújyghy (óndirushi: Pavlov A.S. jeke kәsipkerligi, Resey, Bashqúrtstan); "Govyadina tushenaya vysshiy sort" kesek etti sterilidengen konserviler (óndirushi: "Standart" Qorghan et kombinaty", Resey, Qorghan); "Govyadina tushenaya vysshiy sort" sterilidengen kesek etti konserviler (óndirushi: "Orelprodukt" AQ, Resey, Orel oblysy)", - delingen habarlamada.

Vedomstvo qúramynda eti bar, tartylghan et, sterilidengen "Svinina obedennaya" konservilerinde tauyqtyng DNQ-sy tabylghanyn qosty (óndirushi: "Selyatino" et kombinaty, Resey, Mәskeu oblysy).

Osy zanbúzushylyqtargha baylanysty ónimder qúramyna sәikes kelmeytin ónimder tizilimine engizilgen.

"Últtyq saraptama ortalyghy" filialy mamandarynyng aituynsha, azyq-týlik ónimderin óndirushiler kóbinese qate tanbalaydy, onyng ishinde zattanbada kórsetilgen sipattamalargha sәikes kelmeydi.

Abai.kz