قازاقستاندا ساتىلاتىن رەسەيدەن اكەلىنگەن سيىر ەتىنىڭ كونسەرۆىلەرى مەن جارتىلاي ىستالعان "مۋسۋلمانسكايا" شۇجىقتارىنان شوشقا دنق-سى تابىلدى. بۇل تۋرالى Tengrinews.kz-كە سىلتەمە جاساپ Abai.kz حابارلايدى.

زەرتتەۋ ناتيجەلەرىن سولتۇستىك قازاقستان وبلىسى بويىنشا دەنساۋلىق ساقتاۋ مينيسترلىگىنىڭ سەبك "ۇلتتىق ساراپتاما ورتالىعى" بولىسكەن.

ناۋرىزدا حالىق تۇتىناتىن تاۋارلاردىڭ ساپاسىنا مونيتورينگ جۇرگىزۋ اياسىندا سولتۇستىك قازاقستان وبلىسى بويىنشا سانيتارلىق-ەپيدەميولوگيالىق باقىلاۋ دەپارتامەنتى 38 ەت سىناماسىن ساتىپ العانى اتاپ ءوتىلدى.

"زەرتتەۋ ناتيجەسىندە سيىر ەتى كونسەرۆىلەرىنىڭ ەكى ۇلگىسى جانە شۇجىق ونىمدەرىنىڭ ءبىر ۇلگىسى قۇرامىنا سايكەس ەمەس بولىپ شىقتى: "مۋسۋلمانسكايا" جارتىلاي ىستالعان شۇجىعى ء(وندىرۋشى: پاۆلوۆ ا.س. جەكە كاسىپكەرلىگى، رەسەي، باشقۇرتستان); "گوۆيادينا تۋشەنايا ۆىسشي سورت" كەسەك ەتتى ستەريلدەنگەن كونسەرۆىلەر ء(وندىرۋشى: "ستاندارت" قورعان ەت كومبيناتى", رەسەي، قورعان); "گوۆيادينا تۋشەنايا ۆىسشي سورت" ستەريلدەنگەن كەسەك ەتتى كونسەرۆىلەر ء(وندىرۋشى: "ورەلپرودۋكت" اق، رەسەي، ورەل وبلىسى)", - دەلىنگەن حابارلامادا.

ۆەدومستۆو قۇرامىندا ەتى بار، تارتىلعان ەت، ستەريلدەنگەن "سۆينينا وبەدەننايا" كونسەرۆىلەرىندە تاۋىقتىڭ دنق-سى تابىلعانىن قوستى ء(وندىرۋشى: "سەلياتينو" ەت كومبيناتى، رەسەي، ماسكەۋ وبلىسى).

وسى زاڭبۇزۋشىلىقتارعا بايلانىستى ونىمدەر قۇرامىنا سايكەس كەلمەيتىن ونىمدەر تىزىلىمىنە ەنگىزىلگەن.

"ۇلتتىق ساراپتاما ورتالىعى" فيليالى ماماندارىنىڭ ايتۋىنشا، ازىق-تۇلىك ونىمدەرىن وندىرۋشىلەر كوبىنەسە قاتە تاڭبالايدى، ونىڭ ىشىندە زاتتاڭبادا كورسەتىلگەن سيپاتتامالارعا سايكەس كەلمەيدى.

Abai.kz