"Qalalyq sot ta Janbolat Mamay qorghaushylarynyng zandy talabyn oryndamay, Janbolat qamauda qaldy" dep jazdy Inga Imanbay.

Ol sot sheshimin әdiletsiz dep atady. Sәrsenbi kýni qalalyq sot aldyna Janbolat Mamaydyng onnan astam jaqtasy jinalyp, belsendini bosatudy talap etti.

33 jastaghy Janbolat Mamay 14 nauryzda Almatyda ózine qozghalghan eki qylmystyq iske qatysty qamaugha alynghan bolatyn. Onyng jaqtastary taghylghan aiyptyng sayasy astary baryn aitady.

Belsendi 25 aqpannan beri qamauda otyr: bastapqyda ol Qantar qúrbandaryn eske alu jiynyna qatysqany ýshin “beybit jiyn ótkizu tәrtibin búzdy” degen aiyppen 15 kýnge qamaldy, keyin “biylik ókilin qorlau” jәne “jalghan aqparat taratu” baptary boyynsha kýdikti retinde tergeu izolyatoryna qamaldy.

Alghashqy is byltyr qyrkýiekte bolghan rúqsat etilmegen mitingimen baylanysty. Ol kezde Mamay "adamdardy úryp-soqqan poliyseylerge" qarata "qarabet" sózin qoldanghan, keyin poliyseyler belsendining ýstinen shaghymdanyp, is qozghalghan. Ekinshi isting qozghaluyna qarjy naryghyn retteu agenttigining Mamay ýstinen shaghymdanuy sebep bolghan. Agenttik belsendini qaryzy bar adamdardyng mәselesi boyynsha "jalghan aqparat taratty" dep kinәlasa, belsendi qaryz mәselesin atalghan "agenttik sheshui tiyis" dep aitqanym ýshin shaghymdanyp otyr deydi.

Búghan deyin Human Rights Watch, Amnesty International halyqaralyq úiymdary Qazaqstan biyligin Janbolat Mamaydy bosatyp, taghylghan aiyptardy alyp tastaugha shaqyrghan.

Mamay avtoritar ýkimetti qatang synaumen tanylghan. Ol Qazaqstannyng demokratiyalyq partiyasyn qúryp, tirkeuge tyrysqan. Biraq biylikting kedergi keltirgenin algha tartqan.

Abai.kz