Ukraina ýkimeti elding Europa odaghyna qosylu jónindegi saualnamany toltyrdy. Ukraina preziydenti kensesi basshysynyng orynbasary Igori Jovkva osylay dep mәlimdedi.

Resey basqynshylyghy bastalghaly beri Ukrainagha alghash ret 8 sәuirde kelgen EO ókilderi preziydent Vladimir Zelenskiyge elding Euroodaqqa mýshe bolu ótinishin qarastyrugha qajetti saualnama qaghazyn tapsyrghan. Sol kezde Zelenskiy búl qújatty Kiyev bir aptadan song ótkize alady dep mәlimdegen.

Qújatty ukrain jaghy rәsimdedi, endi Kiyev soghan qatysty kenesterdi kýtedi, sosyn "dop EO jaghyna týsedi", dedi Jovkva. Sheneunikting aituynsha, Europa komissiyasy Ukrainanyng Euroodaqqa mýshe bolugha qatysty talaptaryna qanshalyqty say ekenin anyqtap, kenesterin úsynady. Ukrain ýkimeti Europa odaghynyng jinalysynda Ukraina EO-gha mýshe bolugha ýmitker el mәrtebesin alady dep boljaydy. Odaq jinalysy mausym aiynda ótedi.

Resey basqynshylyghyna úshyraghan Ukraina 28 aqpanda Euroodaqqa jyldam jolmen kiruge ótinish tapsyrdy. Keyinirek Europarlament deputattary aldynda sóilegen preziydent Vladimir Zelenskiy Resey agressiyasyna qarsy kýreste myndaghan otandasynan airylghan ukranalyqtar EO elderin Ukrainany qoldau ýshin biriguge kóndire aldy dep mәlimdedi. Memleket Europany tandady jәne tenqúqyly europalyq últ atanu ýshin Europa odaghyna kirgisi keledi, dep mәlimdedi Zelenskiy.

11 nauryzda EO-nyng Versalidaghy sammiytining qorytyndylaryna arnalghan baspasóz konferensiyasynda Fransiya preziydenti Emmanueli Makron europalyq blok Ukrainanyng EO-gha qysqa jolmen qosylugha "joq" dep jauap beredi, óitkeni búl el soghysyp jatyr dep mәlimdegen.

Abai.kz