Reseyding Ukrainadaghy basqynshylyghynyng alghashqy kýnderi Kiyev pen onyng týbindegi qalalarda júmys istegen on bir ózbekstandyq iz-týssiz joghaldy. Ózbekstannyng Súrqandariya oblysynan barghan enbek migranttarynyng habarsyz ketkenine bir jarym ay boldy.

Ukrainadaghy "Aydar" batalionynyng búrynghy jauyngeri, Jizaq tumasy Shavkat Múhammadtyng Ozodlik radiosyna habarlauynsha, songhy mәrte migranttar tuystarymen habarlasqanda Kiyev oblysy Bucha audany Buzovaya auylynda ekenin aitqan.

Shavkat Múhammad ózbek migranttary Resey әskerining qolyna týsip qaluy mýmkin dep boljaydy.

"Jeke ózime әleumettik jeliler arqyly Kiyevtegi keskilesken úrys qarsanynda 11 ózbek jigiti joghalyp ketkeni turaly habar týsti. Aqparattardy tanystaryma tarattym. Izdedim. Olardyng Ózbekstandaghy tuystary tabyldy. 11 jigitting jeteui Súrqandariya oblysyndaghy bir mahalladan eken. Olardy biletin bireu segiz adamnyng tólqújattarynyng kóshirmesin joldady. Olar tútqynda bolghan, sodan ol jerden qashyp, 3 nauryzgha deyin Kiyev shetindegi auylda túrghan. Songhy ret tuystarymen sol auyldan habarlasqan. Sodan beri habar joq. Búl auyldarda keskilesken úrys jýrdi, qansha adam opat boldy. Ol jigitterdi sol auyldardan izdeymin. Olardyng bәri qarapayym migrant. Olar orystardyng qolyna týsip qalsa kerek", — dedi Shavkat Múhammad.

Bucha audanynyng Buzovaya auylynda iz-týssiz joghalghan migranttar turaly Ózbekstannyng Ukrainadaghy elshiligi habardar. Elshilik olardyng Ózbekstandaghy tuystarymen baylanys ornatqan. Joghalghan 11 migranttyng deni Súrqandariya oblysy Denauz audanynan kelgen.

Ózbekstan syrtqy ister ministrligining mәlimetinshe, Ukrainadaghy soghys bastalghangha deyin búl elde 4300 ózbekstandyq bolghan. Ózbekstan ýkimeti 26 reyspen 6 mynnan astam ózbekstandyqty úrys oshaghynan shygharghanyn habarlady.

Abai.kz