Janaózende “Ózenmúnaygazdyn” múnay únghymalaryn juyp tazalap, jóndeumen ainalysatyn “TrubRemSentr” jauapkershiligi shekteuli seriktestigining 150 júmysshysy eki kýnnen beri júmysty toqtatyp túr. Ereuildegen júmysshylar júmys jaghdayyn jaqsartudy, jalaqyny 60%-gha ósirudi talap etedi.

Júmysshylar qoldaryna “Mekemege modernizasiya jýrgizilsin”, “Kәsipodaq mýshelerin qudalau toqtatylsyn”,”Merekelik kýnderge 100% tólensin”, “Jalaqy 60% kóterilsin talap oryndalsyn!”, “GPH júmysshylary shtatqa alynsyn” degen plakattar kóterip shyqty. Olar 19 sәuirde Qazaqstan preziydentine, Manghystau, Janaózen әkimderine baghyttalghan viydeo joldau jasap, talaptaryn mәlimdegen.

Biyl Manghystauda jalaqyny kóterudi, júmys oryndaryn ashudy talap etken ereuilder jiyiledi. Aqtau qalasynda da ArcelorMittal Tubular Products Aktau aksionerlik qoghamynyng jetpisten asa júmysshysy jalaqy kóterudi talap etip, bir aptagha juyq uaqyttan beri júmysty toqtatyp, ereuildep túr.

Janaózen júmyssyzdarynyng eki aigha sozylghan ereuilin qúqyq qorghau organdary taratqan. Jergilikti biylik 400-ge juyq adamdy júmysqa ornalasqandaryn aitqanmen, júmys talap etkender qatary azayghan joq.

Abai.kz