Resey Bayqonyrda paydalanylmaghan mýlikti Qazaqstangha beredi, birinshi bolyp berilgeni - 1990-jyldary qúrastyrylyp, orbitagha shygharylmay qalghan "Ekran-M" sputniygi men onyng qúramdas bólikteri. Resey ýkimetining tiyisti búiryghy qúqyqtyq aqparattyng resmy internet-portalynda jariyalandy. Búl turaly Tengrinews.kzke silteme jasap Abai.kz habarlaydy. 

"Roskosmos" gharysh qyzmeti jónindegi memlekettik korporasiyanyng úsynysyna sәikes tizbe boyynsha jyljymaly mýlikti federaldyq menshikten Qazaqstan Respublikasynyng memlekettik menshigine óteusiz beru turaly úsynys qabyldansyn", - delingen qújatta.

Tizimde eki pozisiya bar - jinaqtary jәne qúramdas bólikteri bar "Ekran-M" sputniygining ózi, sonday-aq qúrastyru-qorghau blogy, onyng jinaqtary men qúrylghylary. Sputnikting de, bloktyng da qúny bir rublige baghalanady.

Búl mýlikti Qazaqstangha tapsyru Federaldy mýlikti basqaru agenttigi men Syrtqy ister ministrligine jýktelgen.

Búghan deyin Resey "Bayqonyr" gharysh ailaghyndaghy 16 nysandy jalgha beruden alyp, 2022 jyldyng sonyna qaray Qazaqstangha beretinin habarlaghan. Atap aitqanda, 2022 jyldyng birinshi jartyjyldyghynda búryn paydalanylmaghan "Ekran-M" telekommunikasiyalyq sputniygi jәne Bayqonyrdaghy ýsh tehnologiyalyq jýie gharysh ailaghy obektilerin jalgha beruden shygharu ayasynda Qazaqstangha berilui mýmkin.

Zymyran-gharysh salasyndaghy basqa derekkózding aituynsha, "Ekran-M" sputniygi gharysh ailaghyna jetkizilgen, biraq ol eshqashan iske qosylmaghan, óitkeni dәl osynday qúrylghylar jýiesi dúrys júmys istep túrghan jәne orbitalyq toptamany toltyrudyng mәni bolmaghan. Ol eger qúrylghy dúrys saqtalsa, onda ol әli de orbitada júmys isteuge jaramdy ekenin aitty.

Alghashqy "Ekran-M" sputniygi 1987 jyly geostasionarlyq orbitagha úshyrylghan. Qúrylghynyng maqsaty - Sibir men Qiyr Shyghys ónirlerine tikeley televiziyalyq habar taratudy úiymdastyru. Osynday qúrylghy keyingi ret 2001 jyly gharyshqa jiberilgen.

Abai.kz