Juyrda aqparat qúraldary kýdiktining advokatyna sýiene otyryp, tergeu organdary Qúdaybergennen "tergeuge qajet jauap alu ýshin" qysym jasap jatqanyn habarlaghan.

Prokuratura mәlimetinshe, әleumettik jelilerde "Qúdaybergenning qúqyq qorghau organdarynyng qysymyna shaghymdanghan mәlimdemesi" taraghan. Prokuratura ókilderining aituynsha, "tergeu sharalary qylmystyq-prosessualdyq zannamagha sәikes" qatang jýrip jatyr. "Búghan qosa, aitylghan aighaqtar qúqyqtyq bagha beru jaghynan tekseriledi" dedi prokuratura ókilderi.

Shaghymda avtor bas prokuror Berik Asylovtan "vedomstvoaralyq tergeu-jedel tobynyng qúramyna engen" bir túlghany jauapqa tartudy súraghan. Avtordyng sózine qaraghanda, atalghan qyzmetker advokat joq kezde "jalghan kuәlik alu ýshin" kýdiktige psihologiyalyq jәne moralidyq qysym jasaghan.

Hattaghy mәlimetke sýiensek, oqigha 26 sәuirde shamamen saghat 10-30-da bolghan.

Áleumettik jelilerde sonymen birge Qayrat Qúdaybergendi qoldau petisiyasy da payda boldy. Ony kýdiktining anasy Biybigýl Qabdoldina bastaghan dep aitylady. Petisiya avtorlary qamalghan deputattyng qantardaghy tәrtipsizdikke qatysy joghyn aityp, "Qúdaybergendi dereu bosatu" qajettigin aitqan.

Qayrat Qúdaybergenning ústalghany 22 sәuirde belgili bolghan. Almaty prokuraturasynyng mәlimdeuinshe, Qantar oqighasy kezinde Qúdaybergen qamauda otyrghan "Dikiy Arman" dep atalyp ketken Arman Júmageldiyevtin janynda bolghan, "Qazaqstan" qonaq ýiine adamdardy jinap, "jappay tәrtipsizdikke qatysqan". Qantar oqighasy kezinde týsirilgen viydeolardan Qúdaybergen men Júmageldiyevting jýrgenderi bayqalady. Aqpanda aty-jónin aitqysy kelmegen er adam Azattyqqa "Qazaqstan" qonaq ýiinde soqqygha jyghylghanyn aityp, deputattyng әreketin tergeuge ýndegen.

Aqpan aiynda Qayrat Qúdaybergenning ózi "Armanmen tanystyghy joghyn, tәrtipsizdik kezinde alanda kórgenin, ol jaqqa halyqty basu ýshin barghanyn" aitqan.

Qayrat Qúdaybergen 2021 jyly Almaty qalasy mәslihatynyng deputaty bolyp saylanghan.

Abai.kz