Resey әskerining 16 nauryzda Mariupolidegi drama teatrgha jasaghan әue soqqysynan shamamen 600 adam qaza tapty. Teatr ghimaratyna myngha juyq adam tyghylghan, dep jazdy Associated Press. Agenttik osy oqighany zerttegen.

Jurnalister әue soqqysynan aman qalghan 23 adammen, qútqarushylarmen, teatr ghimaratyn jaqsy biletindermen sóilesip, soqqygha deyin jәne keyin týsirilgen suretter men viydeolardy saraptady. Búl aqparat teatrdyng 3D-núsqasyn jasaugha qajet boldy. Kuәgerler sonyng kómegimen adamdar teatrdyng qay jerlerin panalaghanyn jurnalisterge kórsetti.

16 kuәger ghimaratta adam kóp bolghany sonsha, әrbir ýsh sharshy metrge bir adamnan keletinin ornalasqanyn aitty. Adamdar bólmelerde, dәlizderde otyrghan. Ghimarat manyndaghy dala ashanada jýzge juyq adam bolghan. Olardyng bәri qaza tapty.

Soqqydan aman qalghan eki adam teatrda 300-ge juyq adam opat boldy dep eseptegen. Qala biyligi de әueli osy mәlimetti jariyalaghan. Mariupoli polisiyasynyng bir qyzmetkeri men Qyzyl Krest ókili әue soqqysynan kem degende 500 adam qaza tapty dep boljady. Associated Press mәiitterding keybirin reseylik әskeriyler alyp ketken dep topshylady.

Agenttik zertteushileri soghys jaghdayynda naqty qansha adam qaza tapqanyn anyqtau mýmkin emestigin eskertti.

Áue soqqysy qarsanynda sputnikten týsirilgen surette teatr ghimaraty aldynda "deti" degen jazu anyq kórinip túr. EQYÚ teatrgha jasaghan shabuyldy halyqaralyq gumanitarlyq qúqyqty búzu, әskery qylmys dep atady.

Resey qorghanys ministrligi Mariupoli drama teatryn osy ghimaratqa jasyrynghan ukrain әskeriyleri jardy dep mәlimdedi, biraú dәlel úsynbady. Mariupoli – Azov tenizindegi portty qala. Jergilikti biylik kem degende 20 myng adam qaza tapqanyn habarlady. Qaladaghy qúrylystardyng 90 payyzy qiraghan.

Abai.kz