Sotqa kirip bara jatqan Qazaqstannyn búrynghy Densaulyq saqtau ministri Birtanov kónil-kýiinin jaqsy ekenin aitypty. Ol ózine senimdi jәne sonyna deyin kýresetinin mәlimdegen. Birtanov sot otyrysy ótkenge deyin isting mәn-jayyn ashugha rúqsat joq ekenin jetkizdi.

Búrynghy Densaulyq saqtau ministri Eljan Birtanovtyng ýstinen qylmystyq is 2020 jyldan bastap qozghaldy. Áueli onyng orynbasary Oljas Ábishev 2020 jyldyng tamyz aiynda «aqparattyq jýielerdi qúrugha bólingen 500 million tengege juyq aqshany jymqyrdy» degen kýdikke ilinip, ústaldy. Sol jyldyng qarasha aiynda Eljan Birtanov «asa iri mólsherde budjet qarajatyn jymqyrdy» degen kýdikpen ústalady.

«Birtanov isi» boyynsha tergeu 2021 jyldyng 7 shildesinde ayaqtaldy. Tergeu núsqasy boyynsha, eks-ministr Birtanov pen onyng orynbasary Oljas Ábishev júmys istemeytin aqparattyq platformany qabyldap alghan. Qazaqstannyng qarjy monitoringi agenttigining derekteri boyynsha olar memleketke 1,5 milliard tenge zalal keltirilgen.

Birtanov barlyq aiyptaulardy joqqa shygharghan edi. Ózine taghylghan aiyptardy Qazaqstan tarapy halyqtyng múqtaj bóligin dәri-dәrmekpen tegin qamtamasyz etu ýshin satyp alatyn «dәrilik preparattardy úrlaudyn» boljamdy shemasymen baylanystyrghan. Ol búl shemagha «shekara qyzmeti men qúqyq qorghau organdarynyng rúhsatyn paydalanyp» dәri-dәrmekti shetelge alyp shyghatyn iri farmasevtikalyq kompaniyalardyng qatysy bar ekenin aitqan.

Eljan Birtanov Densaulyq saqtau ministri qyzmetin 2017 jylghy qantardan bastap 2020 jylghy mausymnyng sonyna deyin atqardy. Onyng basshylyghy kezinde koronavirus infeksiyasy taralyp, óte kýrdeli uaqytqa tap keldi. Sol kezde Birtanov әleumettik jelidegi paraqshasynda koronavirustyng asqynghan týrimen auyrghandyqtan qyzmetinen bosatu turaly ótinish bergenin jazdy.

«Býgin men Memleket basshysyna densaulyq saqtau ministri qyzmetinen bosatu turaly ótinish berdim. Ókinishke oray, mende pnevmoniyamen asqynghan koronavirus infeksiyasy bolghandyqtan, qosymsha emdeu qajet. Sonymen birge, qazirgi uaqytta eldegi epiydemiologiyalyq jaghdaydyng kýrdeliligi ministrlik dengeyinde de, ónirlerding densaulyq saqtau salasynda da salanyng tolyqqandy basshylyghy qajet dep sanaymyn»,- degen edi.

Abai.kz