"Qandy qantar qúrbandary" dep atalatyn arnayy jobada qazir 188 adamnyng aty-jóni bar. Ondaghy arnayy kategoriyalar arqyly qúrbandardyng jasy, oqigha orny, ólimining sebepteri jәne ózge aqparatty iriktep oqugha da bolady. Joba qaza bolghandardyng tuystary men kuәlardyng bayandaulary arqyly qayghyly oqighanyng auqymyn úghynugha mýmkindik beredi.

1 mausymda Almatynyng Abay jәne Dostyq kósheleri qiylysyndaghy Novotel qonaqýiinde ótken joba tanystyrylymyna ondaghan adam jinaldy. Olardyng arasynda qaza bolghandardyng tuystary, azaptaugha úshyraghandar, sonymen birge qúqyq qorghaushylar, jurnalister men belsendiler bar.

– Jana Qazaqstan tarihynda Qantar qasireti siyaqty múnday dengeydegi auyr qylmys, auyr oqigha, ýlken synaq qazaq halqynyng basynda bolghan emes. Azattyqtyng sizderdi osy sharagha shaqyruynyng basty sebebi – oqighadan qaza bolghan 238 adamnyng tizimin jasaugha talpyndyq. Biylik múny jariyalaghan joq. Bes ay boyy biz Qazaqstandaghy tәuelsiz, azat medianyng ókili retinde osy azamattardy izdedik, qaza bolghandardyng aty-jónin týgendedik, kópshiligimen sóilestik. Kópshiligining ýiine bardyq, artyndaghy jesirin, jylap qalghan jetimimen tikeley tildestik. Búl әreketke jurnalistik paryzymyzben, óziminzding mindetimizben bardyq. Búl júmys endi ghana bastaldy deuge bolady, - dedi Azattyqtyng Almaty burosy jetekshisining mindetin oryndaushy Qasym Amanjol.

Sharagha Azat Europa/Azattyq radiosy mediakorporasiyasynyng preziydenti Djeymy Flay, Ortalyq Aziya aimaghy boyynsha diyrektor Hamid Ismailov, Azattyqtyng Qazaq qyzmetining diyrektory Torokul Doorov qatysty.

• Qantardyng basynda elde súiytylghan gaz baghasynyng qymbattauyna baylanysty miting ótip, narazylyqtyng sony qantógiske úlasqan. Biylik shetelde dayyndyqtan ótken "terrorister shabuyly" turaly aitty, biraq oghan dәlel-ayghaq keltirgen joq. Preziydent Qasym-Jomart Toqaev kýshtik qúrylymgha eskertusiz oq atugha búiryq bergenin mәlimdedi. Ol sonymen birge elde biylikti kýshpen basyp alu talpynysy bolghanyn aityp, alayda ony kim úiymdastyrghanyn naqtylamady.
• Resmy derek boyynsha, Qantar oqighasynda 230 adam qaza boldy. Búghan qosa, oqigha kezinde ústalghan taghy segiz adamnyng tergeu izolyatorynda kóz júmghany belgili boldy. Biylik qogham talabyna qaramastan opat bolghandardyng esimin jәne olardyng qanday jaghdayda qaza bolghany jayly aqparatty jariyalamady.
• Qantar oqighasy kezinde jәne odan keyin myndaghan azamat ústalyp, jýzdegen adamgha "terrorizm", "jappay tәrtipsizdik úiymdastyru", "zansyz qaru-jaraq saqtau" sekildi aiyptar taghyldy. Qamauda bolghandardyng arasynda azaptalghanyn aityp shaghymdanghandar kóp, biraq olardy azaptau faktisi boyynsha ústalghandar neken-sayaq.
• Qantar oqighasynan keyin qamauda bolghan jýzdegen adam ózderining azaptalghany jayly aityp, 234 is qozghalghan. Alayda, әzirge kýshtik qúrylymnyng tek 11 ókili kýdikti dep tanylghan.

Abai.kz